Yth. Pak Guru Zul;
Nampaknyo awak baduo sajo nan badialog, tapi balewakan di bana di palanta ko. Jikok lai babarakaik untuak basamo, tantu rancak pulo.
Nan cameh ambo tantu kok indak beko.
Manenggang alua jo patuik, barih jo balabeh, sarato mangana kecek salah surang mamak kito nan manyampaikan tantang biliak-biliak tu, mangko sabalun resah pulo nan timbua, tapaso ambo potong sampai di siko, Pak Guru.
Karano ota awak alah agak spesifik tantang pendidikan, sadangkan awak tau bahaso di palanta ko indak guru sikola se kasadonyo.
Dek karano itu, jikok ka balanjuik juo diskusi kito, kito taruihkan lewaik jalur japri sajo.
Jan sagan pulo Pak Guru manyeru ambo ka [EMAIL PROTECTED], untuak diskusi salanjuiknyo. Mudah2an dapek samo2 baraja kito. Ambo nan mudo tantu batanyo ka Pak Guru nan alah banyak pangalaman.
Ibaraik papatah lamo;
Baguru ka nan pandai Batanyo ka nan tau Mamintak ka nan lai
Untuak dunsanak nan lain nan alah tagaduah pulo tagak dek posting ambo nan subananyo dapek disalurkan lewaik jalur japri jo Pak Guru ko;
ambo minta maaf nan sadalam-dalamnyo.
Wassalam, Wady
At 11:23 AM 10/22/2004, you wrote:
Terima kasih pak Wady ! atas penjelasan manganai pembelajaran sistim 'restitusi' yang pak Wady postingkan ko.
Pak Wady !, sistim pendidikan atau pembelajaran di nagari awak ko banyak bana. Tapi satalah pak Wady jalehan kasadonyo tu nan sarupoko di sakolah di nagari awak lai ado juo dicuboan pak Wady, cuma dek karano istilahnyo sajo nan bakeren-keranan jadi ragu ambo dibueknyo.
Di saat kini ko kami di sikolah negeri memang bingung pak Wady karano satiok baganti pucuk penentu kebijakan barubah pulo sistim nan dipakai, jadi kasado sistim pendidikan, mulai sistim CBSA, KBK, Sitim pembelajan Kontekstual, inquiry learning, antahlah banyak bana namonyo, dan lah dicuboan kasadonyo, batambah tea pulo guru nan kamajaan dibueknyo, nama sistim nan paling rancak antalah !.
Jadi pak Wady !. Kami nan guru sekolah negeriko pak Wady lebaih kayo kami jo sistem pembelajaran, tapi indak ciek jo nan matang, karano aa !, tu karano satiok sabanta batuka !.
Manuruik ambo, sistim pembelajaran dalam rangka merobah tingkah laku dan norma paralu juo sistim bangih nan bapilinkan sisunguik tu dan mambulalangkan incek mato ko paralu juo mah pak Wady !. Indak mungkin iko di tinggakan, tantu juo disasuaikan jo konteksnyo pak Wady. Sacaro jujur di sekolah pak Wady ko ado juo ambo raso guru nan bangih-bangih tumah !.
Bahkan sistim lacuik atau pukul, di dalam agamo Islam dipakai juo mah pak Wady, sarupo manyuruh anak nan mada sumbayang nan alah baumua 7 tahun, tapi jan dikecekan pulo Islam kejam ndak !. Di nagari awak ado papatah sayang dianak di lacuik-i, sayang di bini di caraian, tu contohnyo pak Wady dek sayang kabini bacaraian yo ndak ? he.. hee.. heee !, jan tasingguang pulo pak Wady !
Jadi itu untuangnyo disekolah sawasta, sarupo di sikolah pak Wady maaja tu, inyo bisa mamakai ciek sistim pendidikan nan matang. Sarupo sekolah INS Kayu Tanam maso dulunyo sabalun adonyo Dinas-Dinas Pendidikan, sangat maju. Diniyah Puteri Padang Panjang dan Pondok-pondok pesantaren sekarang ini, mereka lebih berwewenang memakai sitim pendidikan nan disukoinyo sacaro matang dan terencana, tanpa ikuik campur kebijakan atau sistim pendidikan dari luar seperti pemerintah dll.
Sakali lai, tarimo kasih ! Wabiillahittaufiq wal hidayah ! Z. Rangkayo Mulie.
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
