Ambo raso alah wakatunyo dek kito untuak mambukak wacana tentang namo propinsi awak nan dibaliakkan ka asanyo, yaitu Ranah Minangkabau.
Sabab, lakeknyo namo "Sumatera Barat" untuak nagari kito ambo raso kurang tapek. Pangaratian kato 'Sumatera Barat' tantu adolah bagian baraik Sumatera. Kini cubo kito caliak peta, iyo lai sabana di baraik (mudiak) lataknyo ranah Minang ko? Mancaliak posisi pulau Sumatera nan mambalintang, agak susah mangecekkan ma nan mudiak, ma nan ilia. Atau dalam bahaso Indoesianyo, ma nan barat sarato ma nan timur. Dicaliak latak Propinsi Sumatera Utara, lataknyo labiah 'baraik' pulo daripado Ranah Minang. Posisi Aceh nan labiah pulo, inyo labiah "baraik" daripado Sumatera Barat, sekaligus labiah "Utara" pulo daripado Propinsi Sumatera Utara. Jadi namo nan bapakaikan pado Propinsi Sumatera Barat dan Sumatera Utara, ambo raso kurang tapek kaduonyo. Dek karano itu, walaupun wacana atau kaji alun dibukak, ambo dahulu mangecekkan SATUJU jikok namo propinsi kito diganti jo "Propinsi Minangkabau", atau "Ranah Minangkabau" sajo, nan babantuak propinsi. Baa dek niniak mamak kito diateh palanta ko, cadiak pandai sarato suluah bendang dalam nagari, sarato dunsanak nan lain kasadonyo? Wassalam, Wady Afriadi (30th) 0815-970-1611 http://wady.or.id ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
