> -----Original Message----- > From: Andria Agusta [mailto:[EMAIL PROTECTED] > Sent: 23 Oktober 2004 23:17 > To: [EMAIL PROTECTED] > Subject: Re: [EMAIL PROTECTED] ----->paraturan > > ... > > kapatang tu kan alah ambo sabuikkan iko cuman usul. apo ndak > sasuai jo prosedur? > Usul ko mancogok dek karano balakangan ko ambo caliak carito > di RN ko lah bagalau sen, banyak postingan nan hanyo > manampakan santiang surang2 sen. Apo kito nyaman jo keadaan > nan sarupo itu?
Tarimo kasih And ... banyak kesulitan manarangkan dalam bahaso tulisan, ba a bana Tata Tertib nan ado kini itu. Itu sajo masalahnyo ... :-) Kalau batamu muko akan ambo jalehkan. Dan kami nan ado di Jakarta (khususnyo nan ado di lapangan tenis) alah uji dan diskusikan dengan intens dan mandalam soal Tata Tertib iko, hampia di satiok kesempatan ... dan ternyato indak ado nan labiah baiak dari Tata Tertib nan ado kini. Alah acok bana ambo ulang-ulang baliak soal iko ... ambo sampaikan itu ka itu juo dengan ma edit dari posting ambo nan lalu. Jiwa dari peraturan nan ado dalam tata Tertin nan ado, malah supayo indak bagalau. Makasuiknyo, jiko ado posting nan manggaduah dari urang nan anonymous, dirasokan flamming atau dirasokan spamming silahkan di ajukan mosi serta ALASAN ... anonymous, spamming atau flamming. Misalnyo: "si Anu tuh, manggaleh (spamming) sajo, banyak emailnyo nan indak bakatantuan. Tolong di kaluakan!" Cukuik sarupo itu sajo. Ba a kok 7 urang ... ma uji apokah ado babarapo urang marasokan nan samo. Kalau dari surang urang sajo bisa di kaluakan, rasonyo talampau balabiahan jadinyo kan! Tapi nan tajadi kini ... awak nan rami disiko labiah suko mam pagalau kan posting ... ba a kok urang ko di usia!? Ba a kok di rasokan dek si anu flamming di den indak flamming!? (Ingek: kadar pengertian spamming atau flamming dari satiok urang itu pasti babeda!!!). Dan juo mam pagalaukan, nan indak mungkin samo, sarupo ... 'ba kok capek bana tasingguang jo posting nan masuak', 'kalau indak suko jo posting nan ado cukuik di delete sajo posting tuh!?' dst-nyo. Itu nan mambuek bagalau. BUKAN ITU NAN DIHAROKKAN dek INDAK KA MUNGKIN KITO MANYAMOKAN PANDAPEK SOAL SARUPO ITU, karena pasti berbeda. Nan di harokkan ado nan maraso SANGAT TERGANGGU dan bara urang nan marasokan hal nan samo. Soal 7 urang ... sa ingek ambo soal 7 (tujuah) urang itu, hituangannyo ado protes dari 7 urang nan babeda dalam wakatu saminggu 7 hari, jadi ciek sahari. Pemikirannyo, kalau indak salah dulu (cmiiw) ... dari 2 urang sajo nan sibuk posting soal pro-kontra, dukuang mandukuang atas materi posting yang dijatuhi mosi flamming atau spamming alah manjadikan kondisinyo kontra-produktif. Padahal nan di harokkan satuju jo mosi jadi urang ka 2,3 ... ,7 atau diam sajo tando indak satuju mosi. Jadi memang bukan soal prosentase anggota, tapi menghindari posting kontra-produktif nan bagalau soal pro-kontra dukuang mandukuang ... nan acok jadi labiah bagalau dari materi posting nan diprotes itu sendiri. > intino bukan di masalah statistik banyak saketekno urang nan > kanai dek paraturan tun. Cuman ambo mancaliak paraturan nan > mangambang sarupo itu cukuik potensial untuak menimbuakan > keadaan nan "indak bakalincik-an" sarupo kejadian balakangan > ko. Apo indak sarancak no urang dapua jo KTT RN mamacik > otoritas panuah untuak urusan tasabuik, sahinggo sabalun > mangirim postinganno urang palanta akan bapikia duo atau tigo kali. Perhatian lah kajadian nan sudah-sudah And ... nan mambuek jadi indak ba kalincik an itu, dek posting soal nan indak paralu sarupo, ambo ulang baliak ... soal: 'ba a kok capek bana tasingguang jo posting nan masuak!?', ba a kok di rasokan dek si anu flamming di den indak flamming!?', 'ba a kok urang ko murah bana di usia!?', 'ado pulo nan bapandapek posting nan ado di Palanta ko ndak labiah sakadar hiburan!?' dst-nyo. Usaho-usaho manyamokan persepsi nan jaleh-jaleh indak ka mungkin disamokan itu, nan nio di hindari oleh dengan caro mangaluakan urang kini ko. Caronyo: ajukan mosi jiko di ketahui ado anonymous nan mambuek gaduah, dirasokan flamming/spamming; dicaliak barapo urang lain nan sapandapek jo mosi itu; ado 7 urang nan marasokan hal nan samo ... cressss, putuih tali angok tuh di Palanta. > Kalau Mak Darul, KTT RN, urang nan banyak penggemarnyo atau > urang dapua nan kanai protes, mungkin urang dapua akan > malakukan hal tasabuik. Tapi kalo nan lain? > Dan juo, sia nan berhak memutuihkan baraso protes nan > diajukan sah atau indak sah? Sia nan berhak manantuan baraso > protes nan masuak barasa dari urang nan samo, mail ANONYMOUS, > urang no palasu dsb. sarupo nan tatulih di paraturan RN point > B.1. tu. Apo kecek ambo nan acok manonton sajo di palanta ko > kadidanga dek urang rami baraso protes nan masuak ntun indak > sah, barasa dari urang jo identitas palasu? Tantu ndak > mungkin. Jadi jawek nyo babaliak juo ka urang dapua jo KTT > RN. Apo indak labiah baiak di sabuik-an jaleh2 baraso > otoritas ntun barado di urang dapua jo KTT, supayo urang di > palanta indak bagalau, usia-mausia sen, dek satiok urang > palanta maraso mampunyoi hak untuak itu. Ambo alah jawek juo soal teknis ko, dalam posting nan lalu ... ambo ulang baliak dan edit saketek: Anggota nan subscribe/unsubscribe selalu di pantau oleh Admin dari sisi teknis. Dan paralu diketahui juo, urang nan baru subscribe statusnyo moderated ... indak bisa langsuang kalua postingnyo di Palanta. Sampai nan bersangkutan memperkenalkan diri. Salamo urang ko alun memperkenalkan diri, apolagi jiko mamakai email gratisan (yahoo, hotmail, lycos, telkom.net, notech.us, suredid.com, hotpop.com, softhome.net, walla.com dll) postingnyo di pantau taruih dan di buka moderatednyo jiko dirasokan urang ko jaleh karakternyo. Urang nan mambuek karuah itu urang nyo itu ka itu sajo urang nyo, And. Mereka-mereka biasonyo juo melakukan hal nan samo di mailing list lain (tidak hanya milis topik minang sajo). Dek niaik awalnyo memang co itu. Bantuak posting nan kalua di mailing list ... memang masalah karakter urang itu. Nan suko jo aie karuah atau karakter nan nyo buek-buek untuak mambuek karuah. Soal berhak indak berhak ... ha ha ha And, lah sangaik jauah nan si And sampaikan ko :-) Kalau nan di harokkan memang sarupo itu ... organisasi RantauNet harus kuek dan ter integrasi. Tapi lah samo-samo awak caliak mambicarokan re-organisasi RantauNet sajo ... ndeh susahnyo! Alah ado babarapo kali posting dan banyak usaho soal iko, tapi nampaknyo labiah banyak nan tertarik mangecek soal nan minor nan mangakibatkan bagalau indak bakalancik an nan sarupo si And sampaikan :-( Tapi harus di akui juo ... ITULAH MAILING LIST. Memang TATA TERTIB ko ado unsur menghindari fitnah dan hujatan terhadap KTT ataupun terhadap urang per urang (administrator/moderator) atau sia pun nan di agiah mandat untuak mangaluakan urang ko. Dalam perjalanan Palanta RantauNet urang-urang di KTT pernah di fitnah dan di hujat. Admin pernah difitnah serta kena 'bomb mail'. Dan nan paliang indak lamak, di bao fitnah dan hujatan ko kama-kama lengkap dengan manyabuik kan namo lintas milis. Dan KTT mamutuihkan, hal sarupo iko indak paralu terjadi lai. Dan kami nan bakarajo bakti ko ... memang indak nio hal iko terjadi. Antah lah kok si And namuah, yo silahkan sajo :-) Mangajak urang nan ado ikuik di KTT sajo suliknyo minta ampun. Bisa jadi polemik tasendiri pulo. Untuang sajo ado babarapo sanak nan namuah bajibaku Mak Darul, Mak Bandaro, dan babarapo kawan-kawan di Lapangan Tenis. > hehehe...nampak nyo mak Darul curiga lo baraso ambo ka > mausulkan supayo paraturan ntun harus dihilangkan. Bak kecek > admin sarupo nan mbo kopi-an di bawah. > > >Mautak-atik soal peraturan nan alah ado tanpa ma agiah solusi nan > >labiah baiak ... biasonyo ko ha, memang dari urang nan suko jo aie > >karuah ... > >:-) > >Semoga menjadi perhatian kito kasadonyo. > >MIKO - Administrator > > Usulan labiah baiak atau labiah buruak dari nan lah ado > tagantuang dari maa arah pancaliakan no. Adolah sangaik naif > jiko ado urang nan maajukan usul, tapi ano sendiri manilai > nan diusulkan tu labiah buruak dari nan alah ado. > hehehe.....ambo maraso lucu sajo jo pandangan sarupo ntun. > Sakalian iko tanggapan untuak mail dari admin. Nan ambo makasuik And ... dalam manjalankan hukum ado nan namonyo FRIKSI HUKUM. Artinyo katiko peraturan lah jalan/diundangkan, satiok nan ado dalam lingkup hukum itu harus ikuik, indak bisa lai ado kato-kato nan mangecek soal 'aden ndak tahu ado hukum bantuak itu, aden indak satuju jo hukum nan ado itu'. Itu nan nampaknyo sulik bana dijalankan ... entah kenapa!? Masih kalua kato-kato: 'ba a kok murah bana urang di usia di Palanta!?' Padohal itu alah jaleh ado aturan nyo dalam Tata Tertib Palanta. MIKO - Administrator ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
