Assalamualaikum Wrwb
Kok di tanyoan ka ambo ambo yo lai satuju mambahas
masalah ko, karano dulu wakatu sikolah (sampai Kini,
tapi dek guru sejarah suruah di pahami jo diapa)ambo
yo ndak picayo bak raso awak ko barasa dari baruak
walaupun bantuak maireh-ireh lai banyak jo baruak tun,
tapi kotiko baraja sejarah dulu di SMP Ndonguang (SMP
1 Dangung2) Ambo pernah kanai ariak ciek dek Buk
Sandra (Guru Sejarah Kami), kutiko tu kami baraja
tantang manusia purba, kecek ibuk tu juo di tulih
dalam buku sejarah manusia ko dulu dari boruak, ado
gambarnyo bagai sinan di buku sejarah tu. ambo kecekan
ka ibuk tu itu salah, nan batua kito ko dari nabi Adam
As indak dari boruak do, kecek ibuk tu botua tu kito
barasa dari nobi Adam As keceknyo.
"Kok botua, ba dek ibuk ajaan juo awak ko dari Boruak
asanyo?" tanyo ambo
"ikokan palajaran ko, harus di ajakan materinyo"
kecek ibuk tu.
"tapi iko pelajaran salah ko buk, indak botua bagai ko
do" kecek ambo baliak
kasudahannyo dek indak tantu nan kadikecekan dek ibuk
tu lai berangnyo kaambo.
"kok kalian nak baraja jo ibuk ikuti sajo nan ibuk
ajaan, kalau indak kalua lah kalian!"kecek ibuk tu
berang"tapi jan salahkan bisuak kok rapor sejarah
kalian nilainyo ompek"
mau ndak mau kami tapaso baraja nan salah ko, sampai
ka ujian akhir pun nan kajawek di karateh ujian
sejarah ko yo manusia dari baruak gadang.
Cubo dek kito bayangkan basamo, dari ketek awak lah
diaja mangicuah (balainan nan di picayo jo nan di
tulih jo suruah apanyo) dek guru wakatu sikolah, baa
kaindak cayia generasi kito ko, sadangkan wakatu tu
iman ko alun kuaik bana lai do, kepercayaan tu mungkin
satangah2, alah di masuak an nan sarupo iko 2 jam
saminggu, baa agak ati kepercayaan tu.
kok lai taguah nan di bao dari rumah nan di ajakan
urang tuo tantu lai jaleh mambedakannyo tapi kok indak
baa?
kok sarupo nan di keceak mamak St Sinaro itu mungkin
gurunyo lai arif bijak sano, dan bisa di tangkok dek
muriknyo kaarifan tu, baa kalu indak?, dek gurunyo
maajakan manusiako dari baruak gadang tantu ka kida
murik tu pai sadonyo.
Kok di tanyo "ba dek kakida kalian pai?"
"kan apak nan maajakan kami manusiako dari baruak
gadang" kecek murik. baa raso ati agaknyo sabagai
guru? kok kadijawek" itu salah tu kitokan dari Nabi
Adam As katurunan kitoko"
"lah jaleh salah manga apak aja an juo kami nan
salah?, kami ko sikolah indak mancari nan salah bagai
do pak, kami disuruah sikolah dek rang gaek kami
mancari nan batua" baa kiro2 kajawek dek guru bilo
murik batanyo sarupo iko.
kok diambo yo kok dapek nan iko yo ilangkan sajolah
dari pelajaran di sikolah, baa manuruik mamak2 jo
sidang palanta kasadonyo
KOK KA DI BAHAS JAN NAN KA MARUSAK DI AKIDAH
AMIIINNN..........
salah jo jangga, kok nan indak di tampeknyo jo maaf
manyudahi.
Wassalam
Gusdi.A
28Th labiah Snek
--- Wady <[EMAIL PROTECTED]> wrote:
.
> Ambo sangaik ingin menyampaikan opini ambo,
> berdasarkan pado pikiran ambo nan ambo cubo jago
> objektifitasnyo.
>
NAN SATUJU SI WADY MAMBAHAS TTG AJARAN AGAMA V.S.
TEORI DARWIN:
1. Sutan Sinaro
2. Gusdi asdial
3. ...
4. ...
5. ...
6. ...
7. ...
dikuduang................................
> Ternyata bangku di sebelah kiri sang guru kosong
> dan murid-murid berdesak-desak di bangku sebelah
> kanan. Semua murid akhirnya pada akur karena
> kebijakan
> sang guru.
Dikuduag............
> Sudah tu aa kecek Pudin ghang piaman, "Waiyooik
> baghuak uwaik ang" :) )
>
> Wassalam
>
> St. Sinaro
__________________________________
Do you Yahoo!?
Yahoo! Mail - Helps protect you from nasty viruses.
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
