Salah surang Kakanda kito alah mengundurkan diri dari palanta bbrp wakatu nan lalu. Mundurnyo baliau ko sabananyo maagiah isyarat ttg sesuatu untuak kito basamo.
Namun, baa kok indak ado tanggapan CIEK juo dari anggota palanta? Apokah kamunduran baliau ndak paralu dibahas? Quo vadis Rantau Net? Apokah kamunduran baliau terkait jo topik-topik nan dibahas akhir2 iko di palanta? Karano ambo caliak indak ado alasan teknis dari kemunduran baliau tu, sarupo pai dinas luar untuak babarapo lamo. Ambo sendiri maraso prihatin atas kemunduran baliau tsb. Jikok karano ambo baliau mangundurkan diri, mangko ambo sendiri tantu indak bisa mamaafkan diri ambo surang. Karano dibandiang ambo, baliau alah lamo duduak di palanta ko. Kalau ambo baru kapatang ko mancaguik ka mari. Jikok karano ota ambo baliau mangundurkan diri dari siko, mangko sacaro pribadi, ambo mintak maaf nan sedalam-dalamnyo bakeh baliau. Indak itu sajo, ambo pun siap mengundurkan diri dari palanta ko, jikok karano ambo baliau maraso indak nyaman lai disiko. Ambo ukan menteri, jadi pakaro mundur tu ndak kasasarik itu bana dek ambo do. Cubo salah surang dari kito mangontak baliau baliak, apokah nan manjadi panyabab pengunduran diri baliau tu. Jikok dapek, kito undang baliau baliak untuak duduak basamo kito di palanta ko. Harapan Ambo, jan sampai ilang raso jo pareso di palanta kito ko. Apolai alah mundur salah surang Kakanda kito nan cukuik lamo bagabuang di palanta ko, bapabiakan baitu sajo. Ambo sendiri taibo dinyo.... Wassalam, Wady ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
