Kamanakanda Wady Afriadi dan sanak RN kasadonyo.
Assalamualaikum Wr,Wb.
Agak tatagun ambo mambaco surek pangunduran diri kemd. jo saketek
terharu,karano kemd.lai baparasaan jo kamudian sacaro jantan jo tahormat
maundurkan diri sabalun dikaluakan baliak. Ambo pribadi saketek manaruah
penghargaan ka Wady. Mudah-mudahan sasudah mundurko bisa maranuangkan baa
sababnyo urang banyak nan tasingguang. Mungkin batambah umua Wady nanti
makin arif bijaksano. Bagarah tu memang diparalukan tapi jan talampau bana.
Kalau iyo Wady sadang baniek mancari kabanaran ajaran Islam nan sasuai jo
logika Wady silahkan tapi jan baniek kamampangaruhi urang untuak marusak
kabanaran ajaran Islam. Dipalantako cukuik banyak nan santiang pangatahuan
agamonyo dari nan tuo sampai ka nan mudo. Ambo sajo nan alah baumua 63
banyak mandapek pangatahuan baru dari mereka.
Untuak sanak M.Ismet Ismail sikap Wady ko bisa ditiru, kalau bainek
kamampaolok-olokan agamo Islam jo nabinyo iyo indak dipalanta RN ko do
tampeknyo. Carilah tampek nan lain nan sasuai jo hati sanak. Kami
dipalantako batujuan mampaarek silaturhami jo santun sasuai jo adat jo
agamo,tampek batuka pikiran jo pangalaman, untuak nanti disumbangkan baiak
untuak samo awak dirantau atau untuak dunsanak dikampuang, ikuik mambangun
jo mapaeloki apo nan alah rusak salamoko. Salamaik jalan sampai basuo baliak
bilo alah arif jo bijaksano dalam mampadalam agamo Islam nan banyak diakui
dek urang agamo lain sabagai agamo nan labiah sampurna.
Dipabanyak ma'sf, ilal liqa' ma'a salamah.
Wassalam
Asmardi Arbi.
-----Original Message-----
From: [EMAIL PROTECTED]
[mailto:[EMAIL PROTECTED] On Behalf Of Wady Afriadi
Sent: 27 Oktober 2004 12:21
To: [EMAIL PROTECTED]
Subject: [EMAIL PROTECTED] Surek Pangunduran Diri
Nampaknyo iyo labiah banyak mangganggu daripado manfaaik kehadiran ambo di
palanta ko.
Ambo lai punyo perasaan.
Kalau baitu, ambo, si Wady Afriadi, secara resmi mengundurkan diri dari
palanta ko.
Pengunduran diri ambo ko efektif sajak ditarimonyo email ambo di palanta.
Jikok salamo ko ado dunsanak nan tasingguang salamo ambo duduak basamo di
palanta ko, ambo minta maaf nan sadalam-dalamnyo.
Ambo urangnyo pagarah, suko batea-tea. Jikok ado garah ambo nan
manyingguang, kurenah ambo nan manyakik bakeh kasado dunsanak salingkuang
palanta ko, sakali lai ambo minta maaf.
Wassalam,
Wady Afriadi (30th)
Parung, Bogor 16330
On Wed, 27 Oct 2004 11:54:24 +0700
"Miko A Mikardo" <[EMAIL PROTECTED]> wrote:
> Ambo masih agak sibuk, Af ... beko ado wakatu
>senggangakan ambo email ka
> Palanta!
> Nan nampak dek ambo si Af banyak bana mambuek kabua nan
>paralu jo indak
> paralu, nan patuik jo indak patuik, nan paralu dibahas
>jo nan indak paralu
> dibahas. Dan caro-caro is Af posting di palanta ko itu
>sangaik manggangu
> urang. Tolong pahami iko, Af!
>>MIKO
Yahoo! Mobile
- Download the latest ringtones, games, and more!
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
