Assalamu'alaikum.w.w.
--- adhi liang <[EMAIL PROTECTED]> wrote:
> Ado bahaso universal, nan bisa ditarimo sagalo
> urang..... Money Men.......
..Oooo tu lah samo pulo kito jo urang Cino tu mah.
Pitih jadi Tuhan, tapi jan lupo ado nan indak bisa
disalasaikan jo pitih.
Nan jaleh pitih tu kini ndak ado.
Urang kini lah sampai ka pangajian "Mancari nan haram
se payah, kunun lo nan halal", sahinggo mereka indak
peduli lai. Pitih aa nan ka disabuik ?.
Ambo pernah mangaji di RN babarapo ukatu nan lalu,
bahaso penghasilan nan di dapek sacaro haram,
dibalanjokan kan halal, tampeknyo narako juo
(baco seri "Jalan" 1-9).
Misalnyo urang dapek pitih hasil bajudi, atau korupsi
sudah tu nyo pai haji, mako indak paguno hajinyo tu
doh, dan narako manunggu inyo. Mako awak harus hati-
hati, kok iyo pai haji, etong-etong bana dari maa
pitih nan kadibaok memenuhi "Labaika Allahuma labaik"
tun.
Antahlah nagari awak, padohal ado contoh nan dakek
dari kito, Malaysia. Daulu banyak anggota DPR atau
ibu-ibu nyo atau instansi-instansi nan pai ka Malaysia
tu. Tapi sangat di sayangkan mereka ka sinan pai
raun-raun, pai shopping. Indak taambiak pelajaran agak
sangenek dari sinan doh. Indak tanampak di nyo baa
kok bisa Petronas (Perusahan Minyak Malaysia) tu bisa
dapek untuang duo kali dari Pertamina, padahal ladang
nyo jauah labiah sangenek dari awak. Kok urusan moral
ko indak tanampak dek mereka tu baa kok di Malaysia
ado nan dinamokan "Polisi maksiat" untuak manjago
muda-mudi jan berkhalwat. Beko lah pulang dari sinan
indak ado apo nan dapek dikarajokan mereka, walau
mereka banamo wakil rakyat. Antahlah.
Sampai-sampai urang-urang namuah maunyi kandang
situmbin di Malaysia pado di Padang atau di Jakarta.
Dek karano aa ?.
Wassalam
St. Sinaro
__________________________________
Do you Yahoo!?
Yahoo! Mail Address AutoComplete - You start. We finish.
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
