Assalamulaikum WW. Nakan Rahima, dek namo ambo diimbau mako wajiblah hukumno untuak ambo manjawabno, kan baitu yo ndak? Ambo lai taruih juo duduak disuduik, dek alah tamanuang bana maetoi kain saruang ............ eh salah mamikiaan nasib nan indak juo barubah. Apo lai akia-akiako iyo bana basilemak palanta awako, sakik kapalo dek no.
Tapi ado ciek, injan di panggia ahli tu. Ilmu baru saunjuik, untuak mamaliharo diri surang sajo masih senteng. Apo lai untuak nagari nan laweh nan banamo Minang tu. Laweh bukan dikua jo panjang kali lebano. Tapi laweh diukua jo kurenah sarato kalikaik urang awak nan kadang jikok diukua indak taukua. Lah banyak nan mancubo maukuano, tapi alat ukua no nan jauah babeda. Jikok diukua jo ukuran Nihonbashi atau Ginza, misanyo tantu iyo jauah, kan baitu yo sanak Udrekh. Jikok diukua tinggi jam gadang jo menara Eifel tantu iyo timpang bana, baa tu sanak Zamry Azis nan baru pulang mancaliak Guguak Katiak (injan dianggap porno yo, "ia" harus dibaco ciek bunyi. Jikok dibaco duo bunyi iyo porno lo jadino). Tapi indak baa juo doh dipakenalkan ukuran nan balian tu, bia urang awak indak bantuak kangkuang dibawah sayak taruih. Maraso nan diino nan paliang santiang. Nan diurang ukan taruih. Kini ado ciek tantangan nan diangkek disiko, a tantangan itu? Sabalun tantangan ambo kamukokan, rancaklah kalua saketek dulu. Ado kecek urang tuo, adokan gulo samuik tu kadatang sajo no tuh. Injan samuik nan disuruah-suruah pulang. Sanak Udrekh mangecekan baa jikok nan bapangalaman banyak tu pulang mambangun kampuang? Iyo rancak, iyo santiang, tapi kan indak pulang mantun samiang doh. Tapi cubo adokan GULO-no nantun, ikolah tantangan nan ambo mukasuik, GULO-ko nan diaparalukan kini. Baa jikok awak sharing pandapek untuak maikiakan gulonoko, sharing pandapek tamasuak sharing mambuek hasia pandapek nantun sampai bisa dibuek jadi gulo, sia nan lai namuah sato bajibaku mambantuak "holonic system". Dimuloi jo mambuek tompaik maasah pandapek, dima tompaikno? alah ado embrio nan mamuloino kini tuh nan disabuik LPSI, tompaik "Think Tank" pambangunan daerah, tarutamo daerah Minangkabau nan tacinto. Sanak nan bakalimun disinan alah pulo mamuloi mimpino, bakalumik mambangun saluran Londo-Hindia. Ado nan kenal NCDO? Mabo masih picayo, asa lai banyak nan namuah kabukik samo mandaki, kalurah samo manurun. Sailia samudiak, saiyo satido, ado nan dapek dikarajokan basamo. Baa nan karancak kini. Apo ado potensi nan kadapek awak jadikan "sustainable developments" alias gulo tadi to. Kalau guloko alah dikacau dikuali, samuik tu akan jo sanang ati datang. Kan baitu yo Rahima, Udrekh sarato sanak nan lainno. Baa jikok awak gili bana "service oriented"-ko. Sampai ka workshopno. Baa jikok awak maadokan workshop di pemda misanyo. Sia talap? O...iyo dalam buko basamo hari Minggu nan lalu ambo basuo jo Ajo Buyuang, banyak maota satantangan Visit Sumbar 2005, nan sangat kedodoran alias nekad nian. Iko diukua jo ukuran urang parawisata tantu. Baa Visit Sumbar 2005 to diputuihkan kurang dari 6 bulan tahun 2005 kamasuak. Nan putusan tu titiak dari ateh. Dari Penguasa nan maraso bakuasa, sahinggo pengurusnyo sajo main tunjuak. Ado nan ditunjuak sabalun pasatujuan nan ditunjuak nantun. Ondeh urang kampuang mbo. Kalau urang nan di parawisata tau kalau urang nan bapitih (EU, Japang, Korea dll) tu sangat marencanakan kunjuangannyo. Tamasuak kunjuang wisatako. Malah mereka alah mengskedul sajak duo atau tigo tahun sabalunno. Awak mamutuihkan Visit 2005-ko 6 bulan sabalunno. Tampak bana kaki ula mamanjek, dek pucuak pemda ka baganti, kalau indak dianggarkan, tasisolo pitih untuak panggantino beko. Baa mangko di Thailand bisa acara wisata tu diskedul untuak 2 sampai 3 tahun????? Eh alah panjang bana baciloteh kian kamai, banyak lo salah beko, ari puaso bagai, ka jago saur pulo nanti. Maaf jikok ado kato nan indak talatak ditompaikno. Maaf jikok ado talantak kanaiak, tasingguang katurun. Wabillahi taufiq walhidayah Wassalamualiakum WW darul >-----Original Message----- >From: [EMAIL PROTECTED] >[mailto:[EMAIL PROTECTED] Behalf Of Rahima >Sent: Friday, October 29, 2004 3:56 AM >To: [EMAIL PROTECTED] >Subject: Re: [EMAIL PROTECTED] Service Oriented & Diskusi Menarik > > > >Iyo bana to sanak Udrekh ( ?? ), namonyo agak balain, >tapi kalau di bahaso Arab aratino " Berpengetahuan ", >barasa dari kato : Adroka, Yudriku, Udruk/ udrek. > >Dari pado awak badiskusi, sampai menyipak sasamo awak, >atau mencemesh, rancak lai badiskusi tantang kampuang. > >Ambo juo, takadang tapaso mencemesh urang, dek baa >yo,.bola di agiah ka ambo tinggi dari pado badan, >tantu gampang lho mencemeshnyo, kalau randah, atau >samo, indak ka mungkin di cemesh doh.Kanai net, bola >awak beko. > > >Hmm,..kalau badiskusi satantangan jo iko, ambo caliak, >mak darul lai ahli di bidang kemajuan Sumbar ko, iyo >baitu ndak,..apo ambo salah manilai salamoko ? > >Ambo raso indak, dek nampak di ambo mak darul, lai >basamangaik tinggi juo untuak kamajuan kampuang. > >Ba a tu mak darul, lai sihaik-sihaik sajo, alah lamo >indak komunikasi awak yo mak ?.Ambo cubo sms mak >darul, lai no telp nan lamo mak ? > >wassalam. Rahima. > > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
