Assalamulaikum WW Bana Yul, dek itulah Yul, dalam hiduik-ko iyo salah pangaratianko nan paliang barek mampatenggangkannyo. Kadang malah urang bisa amuah mati dek mampatahankan pandapekno. Satu kato bisa elok dek urang dan bisa sakik dek urang nan lain. Kadang kato nan samo bisa aratino babeda apo bilo dibao katompaik lain. Banyak contohno: Butuh, kalau diawak di Indonesia katoko rancak, tapi di Malaysia malah caruik. Apo lai misanyo kato itu diterjemahkan, hilang arti sasungguahno. Ambo takana ado kawan mbo sakarajo dulu, bilo bangih inyo manyabuik "pantatlah kau", urang di bangihino biaso sajo, dek indak urang awak. Tapi kalau kato itu dikecekan ka urang awak jo bahaso awak kan alah samo tahu si Yul.
Disitu juo masalah nan paliang gadang tajadi dek sanak Wady misanya, namo tuhan urang Islam ditulihno jo dialek Tiaka. Dek ditulih jadi sensitifno. Urang Kristen sajo inyo mampronuonce lain tapi tatap ditulihno mantun juo. Ditambah lo lai dekecekan urang bantuak itu indak buliah, tapi tangka juo inyo, bangihlah urang sakampuang jadino. Baitu juo masalah baruak gadang. Kalau ka distandardkan, rasono iyo susah mah Yul, sabok harus ado keputusan basamo, jikok di suatu komuniti nan homogen, misanyo disuatu perusahaan iyo bisa. Tapi masalah raso jo pareso ko iyo indak bisa di-standardkan nampakno doh. Carono ga,mpang nan sabanano, kalau urang indak sanang jo kurenah awak, dan awak ingin juo bagaul jo urang itu, mako rubahlah kurenah nantun. Kalau indak namuah marubah jauahi sajo urang nantun. Baitu juo, kalau urang indak suko jo istilah awak, injan dipakai juo istilah nantun, kalau ka dipakai juo injan ditompaik urang nan indak suko nantun. Urang RN indak suku bla bla, injan dikarajokan juo, kalau awak ingin juo mangarajokannyo, injan di RN, pailah katompaik lain. Gampangkan? Tapi nan mambuek urang tabik suga iyo dek ciek kato: MADA. Sudahtu Jikok batanyo bana a difinisino iyo agak sarik juo mah. Mbo raso nan paralu, kalau urang indak namuah dipagarahan injan dipagarahan juo. Kalau urang indak namuah dijujai injan dijujai juo. Ambo raso iko universal kan? Ciek lai, urang awak iyo agak susah dipisahkan jo Agamo Islam, dek rang awak bapandapek agamo Islam mangatur sagalo aspek kehidupan. Tamasuak caro mangecek dan mimik muko sakalipun. Ado hadis nan mangecekan: "Senyum itu adalah sedekah". Jikok ciek ko diamalkan dek pelayan industri wisata di Sumbar, alah maju salangkah tuh. Ciek lai nan universal. awak harus mamparatikan sungguahsungguah apo nan pokok diawak, sumbayang khusuk, karajo rajin. Tapi iko nan kurang diawak jadilah karajo amburadul. Harusno awak mangarati a nan paliang pokok dek awak. Misanyo indak ado arati iduik kalau indak sumbayang. Kalau iko dibaokan pulo ka karajo sahari-hari, lancar hiduik. Misanyo, jikok saluruh pekerja hotel mangarati dan dipaso mangarati, bahaso, indak ado aratino hotel tanpa tamu menginap. Pasti dihormatino tamu tun duh. Eh maleba lo ka wisata maoh. Baliak ka standard mangecek caro agamo tadi, ambo raso alah jaleh tuh. Asa injan mampamain-mainkan agamo (tamasuak Allah jo Nabi) dek jaleh didalam al-Qur'an tuh (injan ditanyo ayat apo yo, indak jaleh diambo). Kalau nan manguluakan si MII, ambo iyo indak sato aktif doh. Dek tim ambo maambiak keputusan, I'am inside. Kan baitu yo. Wass. WW Darul >-----Original Message----- >From: [EMAIL PROTECTED] >[mailto:[EMAIL PROTECTED] Behalf Of I Yul >Sent: Saturday, October 30, 2004 12:36 AM >To: [EMAIL PROTECTED] >Subject: Re: [EMAIL PROTECTED] Hak Jawab dari M. Ismet Ismail > > >Assalamu'alaikum Wr. Wb. > >Sapandapek kito Pak Darul. Kadang-kadang, tampek bapijak samo, >malahan babeda pandapek dek balain suduik pandang. > >Baitu juo nan dianggap flamming. >Batahun-tahun ka muko, mungkin caro nan dianggap flamming kini dek >sabagian warga RantauNet, bisa jadi indak. Budaya mangalami perobahan. > >Manghina ko indak ado standarnyo doh. Subjektif sipaiknyo. >Mambuek karikatur Megawati nan sadang batinju jo SBY mungkin >dianggap manghina. Tapi kalau ditanyokan ka nan basangkutan (M >atau SBY) dan di jawek indak masalah. Indak dapek lo jaksa manuntuik do. > >Ambo ludahan sanak Ismet tu. Mungkin baginyo indak masalah. Kok >nyo ludahan ambo, mungkin ambo tuntuik dek ambo manganggap itu >manghina atau melecehkan. > >Pribadi Rasulullah ambo anggap pribadi Al-Quran. Pemaaf, pengasih, >penyayang dlsb. Indak mungkin tajadi dek islam alun bakuaso, mako >urang nan maludah tu Liau padiakan. Tapi bilo lah bakuaso, kok >tajadi lo baliak, Liau karek talihia urang nan maludah tu. > >Iko nan di antisipasi dek negara-negara sekuler tu. Keceknyo >tindakan pencegahan dan pendahuluan, diserangnyo Iraq. Sabanta lai >mungkin Indonesia pulo lai. Yahudi dan Nasrani tu takuik kok Islam >alah jaya nanti, dek mereka ko dianggap kapia, mako bergelimpangan >lah kapalo-kapalo mereka di karek urang islam. > >Ambo pernah punyo sahabat urang Bulando asli. Sahabat >korespondensi. Kami komunikasi jo bahaso inggirih. Walau bahaso >inggirih ambo pas-pasan, masih bukak-bukak kamus, ambo sempatkan >juo MLM gaya PKS tu. Dakwah istilahnyo. Sekedar menyampaikan nan >sa ayat. Wakatu itu ambo alun masuak PKS bagai doh. > >Kawan tu batanyo soal mambunuah urang kapia ko. Ambo wakatu tu >salah jawek nampaknyo, sahinggo korespondensi kami taputuih. Jawek >ambo, "... orang yang dihalalkan darahnya itu adalah orang di luar >islam yang sudah mengganggu kami menjalankan ibadah sesuai dgn >kepercayaan kami ...". > >Takana di ambo, palarangan mamakai identitas keagamaan (prancih), >terkait dgn jilbab, tantu bisa juo di kategorikan mangganggu umat >islam manjalankan ibadahnyo. Urang nan mambuek paraturan tu digaji >jo pajak nan ditarik dari rakyat. Aratinyo sacaro indak langsuang, >rakyat prancih alah dapek les hitam sabagai urang nan ka dikarek >kapalonyo dek umat islam. Dek itu ruponyo paja tu takuik jo ambo. >Disangkonyo ambo anak buah osama bin laden.:)) > >Lah salah jawek ambo. > >Babaliak ka suduik pandang tadi; >Ambo agak keberatan bilo kaluanyo urang dari RN ko dikaik-kaikkan >jo agamo. Usul ambo Pak Darul, bilo memang ka dikaikkan jo agamo, >kato menghina tu harus dijalehkan defenisinyo. Apo-apo nan >manghina Allah dan Nabi harus jaleh sarato marujuak ka Al-Quran >sbg aturan baku. Kalau Allah berang ka urang nan manghina tu dan >mamasuakkannyo ka narako, manga pulo kito sato-sato pulo berang >dan mamasuakkan ka "narako dunia". > >Pandangan ambo, indak ka bakurang kebesaran Allah pobilo indak ado >urang nan namuah tunduak dan mangikuti "siraatal mustaqim". Baitu >pulo sabaliaknyo. Apolah hakekat hinaan dan cemeeh tu bagi Nabi >Allah (seandainya beliau masih hidup), indak ka ba-asak tampek >liau tu dari sarugo doh. > >Tapi kok sanak MII tu dikaluakan dek alasan indak sasuai jo raso >pareso nan dijelmakan malalui tatib RantauNet, ambo satuju banget >Pak Darul. Jaan ditambah-tambah nan lain. > >Wassalam >YMZ > > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
