Mak Ban ! mambaco postingan Mak Ngah , cik inan pulo ambo nak mambaco buku " MPYT " atau merah putih yang terkoyak tu , karano hanyo buku itu sajo nan alun ado dikoleksi ambo , tolong Mak Ban kalau masih ado stok rimbekkan pulo ambo ciek ka bali .
Wassalam : zul amry piliang --- In [EMAIL PROTECTED], Sjamsir Sjarif <[EMAIL PROTECTED]> wrote: > Maa Rang Lapau nan Basamo, > > Sakadar tambahan dari ambo. Ambo lah punyo katigo buku tu kiriman Mak Ban > dan tatap manjadi tambahan khasanah ambo di Rantau Jauah. Buku "Peribahasa > Minang" oleh Anas Nafis, Penerbit "Intermasa" 1996. 549, adolah buku nan > paralu dipunyoi satiok rumah tanggo Urang Minang sabagai referensi nan > dapek disingkok bilo paguno. Banyak nan takanduang di dalamnyo sabagai > kompilasi papatah-patitiah Minangkabau. Ambo anjurkan satiok Anggota > Rantaunet mampunyoinyo untuak dibaco, diapa, dan disilau-silau sakaluarga. > Kalau dapek mambali mamasannyo malalui Mak Ban kan lah batambah tu kacio > Awak. Bayangkan satu Divisi anggota Rantaunet, labiah dari 1100 urang. > > Buku Novel "Ketika Merah Putih Terkoyak", Oleh Carl Chairul. Ingin ambo > manambahkan katarangan saketek. Wakatu pai ka Myanmar dan sampai di > Mandalai, basuo jo Angku Dino sakaluarga, manjadi tamu baliau tingga di > Hotel Baliau banamo Hotel Sedona, indak panah tasingkok saketek juo doh nan > baliau adolah ananda dari Almarhum Carl Chairul panulih buku "Ketika Merah > Putih Terkoyak" tu. Bahkan ambo indak panah mandanga tantang buku tu. > Sasampai ambo ka Kampuang, ambo sempat mangunjuangi Etek sarato Mak tuo jo > Pak Adang baliau. Di rumah Etek nan partamu baru ambo tacangang mancaliak > buku-buku karangan Carl Chairul tu sabagai koleksi pribadi baliau. Ambo > sabanta di rumah Etek nan partamu tu sabab baliau sadang ado nan > dikarajokan. Sudah tu ambo pai rumah Mak Tuo baliau. Ditakadiakan Tuhan, > hujan labek tibo, mangko maotalah kami, kalauik ka rantau, ka maso silam > pangalaman Pak Tuo di Kampuang. Ambo pun macaliak photo Angku Dino > sakaluarga di rumah Mak Tuo tu. > > Dek panjang carito kami, tambahan lai dipauleh-ulehkan jo carito jo > pangalaman paribadi ambo, mangko ota kami batauik dan saling hormat dan > menghargai keluarga ko batambah. Di sinanlah pulo ambo tahu nan bahaso > Almarhum Carl Chairul alah maningga (diiringi dengan cerita sedih > sekeluarga) nan indak paralu ambo sampaikan di siko. Pokoknyo carito kami > jo Mak Tuo jo Pak Tuo salamo duo jam dalam hujan labek tu, bacampua galak > jo tangih manganakan apo nan tajadi jo panulih kito, dan apo nan tajadi di > Kampuang Kito dalam maso nan dicaritokan tu, dan dalam sejarah nagari kito > sacaro integral. Pokoknyo, kok dikana maso dahulu, jatuah badarai aia mato. > > Wakatu di Padang sabaluan barangkek maninggakan Kampuang sasudah Rayo Haji, > ambo sangajo ka toko buku Gramedia di Padang, macari buku "Ketika Merah > Putih Terkoyak" tu. Tingga duo kopi lai, ambo ambiak kaduonyo, ambo mintak > supayo buku tu direstok, ditambah lakeh panggantinyo. Ambo baco buku tu, > taruih ka Tabiang. Sadang mambaco buku tu, gampo tibo, urang bakaliaran > dari lobi. Kapatabang ambo manunggu, tapi dek ambo pacayo ka pangumuman > screen indak ado tando-tando kapa ka barangkek doh. Taruih mambaco dek > asiakno. Tibo-tibo dicaliak urang alah agak langang. Batanyo langsuang ka > tukang kuricihno. Baru tahu awak surang se lai nan tingga sahinggo > dikajakanno jo shuttle special ka kapa tabang tu. Ampia tingga. > > Tibo di Kapatabang, ambo balepeh angah, buku masih ditangan, ditaruihkan > juo mambaconyo jo panuah hati. Alun salasai awak basin lai, baitu pendeknyo > jarak Padang-Batam jo jarak Singapura-San Francisco, dek sabanta rasonyo > lah tibo se awak di Batam. Dismpanlah buku tu. Sudah tu ambo taruih jo > Ferry ka Singapura, bamalam samalam di sinan. Bisuaknyo barangkek ka San > Francisco via Tokyo. Buku tu taruih ditangan mambaconyo taranti- taranti > bilo panek. Tamaik sabalun masuak San Francisco. > > Ambo indak kamancaritokan isi buku tu doh karano buku tu paralu dihayati > dengan manampekkan diri ka maso nan dicaritokan dalam buku tu. Jadi kok > mambaconyo, silakan tampekkan diri pado maso pangalaman basamo masyarakat > kito dalam Maso PRRI 1958-61 tu. Rancak dipasan juo buku tu malalui Mak Ban. > > Dalam buku tu ado tulisan ketek pada halaman depannyo spesial tatulih "Buat > Cemara, Cucu Tersayang". Siapa Cemara? Ingin mancaliak photonyo nan lah > baumua 10 tahun kini? Inyo lah mampunyoi Website atau Situs sandiri pulo. > Silakan caliak: > > http://www.keluargacemara.net > > Sakitulah dahulu, salam ambo ka cucunda Cemara Dinda sarato ayahbundanyo di > Mandalay, Myanmar, Nagari Ameh Swarna Bhumi. > > Salam, > -- Mak Ngah ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
