Assalamu'alaikum Wr.Wb.
Laii. ! Mak Ngah
a pulo nan manjadi bana nan katangah di Mak Ngah kiniko : "sapanjang bana nan katangah
di Bandaro Labiah, rasono
kaluak paku ameh bapilin
itulah lambang di panghulu
sapiah balahan tigo jurai
Nan bak suri tuladan kain
ragi takambang nan batiru
adat nan lamo nan bapakai
limbak nan dari pado itu, balalukan pulo di Mak Ngah kabanaran kabakeh diri ambo,
karano bapakai manuruk adat manjadi undang di nan tuo :
diadat ba bungo kambang
dipusako babuah ranun
kato dilatak dalam barih
bana disimpan dilimbago
sabarih takno lupo
satitiak taknyo ilang
baitulah adat salamono
kato diambiak jo mupakaik,
bana diambiak jo baiyo
karano lai dihadapan niniak dengan mamak, alim ulama, cadiak pandai palito alam, rang
mudo pamaga nagari sarato bundo kanduang limpapeh rumah nan gadang, kok lai lah tukuak
jo tambahno sarato ka panyisik, samo mamintak jo mananti kito ka nan basamo agak
samantaro, lai ko lah dalam adat Bandaro Labiah, kan baitu bana Mak Ngah ?....
indak doh lai sapanjang bana nan katangah di Mak Ngah cako tu, rasono ibaraik jo
sapantun nak ambo cubo manyampaikan :
Sirancuang nak urang Ulakan
bao manguntiang puluik-puluik
dibaok nak rang Sungai Landai
baju baguntiang nan basaruangkan
jalan nan pasa nan baturuik
adat nan lamo nan bapakai
sakiro itu dari ambo, nan kabanaran bakumbalikan ka pado Mak Ngah.
Wassalamu'alaikum Wr.Wb.
Bandaro Labiah
Sjamsir Sjarif <[EMAIL PROTECTED]> wrote:
Maa Angku Bandaro Labiah,
Tingkah gandang lah samo rancak,
talun talempong lah mairiangi,
iyo lah rasonyo dalam adat
lah samo kadangaran di Kito nan Basamo.
Dek kito lai duduak Basamo di Lapau ko,
rancak kito bawo baiyo ka dunsanak nan adang adok.
Walau sabagian bisiak lah kadangaran,
mungkin ado nan ka manambah ka manukuak.
Nak sasuai tari jo gandangnyo,
rancak kito tunggu agak sajamang,
nak nyo abih uweh-uweh, nak nyo sajuak di kiro-kiro.
Samo mananti kito agak sabanta,
kalau paralu agak duo banta,
asa jan balaruik-laruik bana,
lai koh dalam adat tu Angku Bandaro Labiah
Salam,
-- Mak Ngah
35041
>From: Bandaro Labiah
>Date: Tue Nov 2, 2004 7:54am
>Subject: Re: [EMAIL PROTECTED] Salamaik >> pinang sirah ikua
>
>Assalamu'alaikum Wr.Wb.
>
>Mak Ngah sarato Karapatan RN
>
---------------------------------
Yahoo! Messenger - Communicate instantly..."Ping" your friends today! Download
Messenger Now
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
