Wa'alaikum salam Disambunag sangenek saluang mamak Nan singgalang tadanga lereang .... Nampak nan dari pandakian..... Awak surang tungga babeleang... Kama nasib kadikadukan... Alang jo bondo bari makan.... Barilah makan kaduono.... Ayah jo bundo tolong do'akan... Untuang salamaik badan nangko.... wassalam Malin Basa (38), kandang singo
Bandaro Labiah <[EMAIL PROTECTED]> wrote: Assalamu'alaikum Wr.Wb. Sidang Millis, nan ketek indak basabuk namo, nan gadang indak tarago diimbaukan gala.! Karano bapakai manuruik adaik, manjadi undang di nan tuo kok dakek balain tampaik, dek jauah balain diam, nan dakek carano tibo, nan jauah layangkan surek, dek basiang ateh nan tumbuah, tumbuah sarupo iko kini, mako pangganti siriah nan sacabiak, pinang nan sagatok, sadah nan sadidiah, baitu pulo karateh nan agak sahalai, disilang nan bapangka karajo nan bapokok, mako kami sampaikan kaba jo barito, bahasono ka diadokan acara Basaluang "Lamak" Samalam Suntuak, pado patang Salasa malam Rabaa, 3 Syawal 1425 H batapek-an jo tanggal 16 Nopember 2004 M. di Jorong Koto Baru, Kubang Putiah, Banuhampu. Kok lai lah di Niniak jo Mamak, Alim Ulamo, Cadiak Pandai, Kaum Bapak, Bundo Kanduang sarato Rang Mudo Pamaga Nagari nan ado di "Kampuang MIllis" nan taragak jo tarangan sarato tacinto nak ka mandanga saluang ko, dapek pulo maluangkan wakatu, mahiyakkan kaki, maringankan langkah, datang mahadiri basamo-samo Dibaliak pado itu, elok dipinteh sabalun hanyuk, rancak disalami sabalun luluh, raso ka condong molah ditupang, dek karano Koto Baru Jorongno ketek, tasisiah tasuruak pulo, ka basaluang tampaikno ketek sudah nan tun indak rancak pulo mako kok tasuo nan bak nan tun, iyo mintak bak putiah kapeh buliah samo dilihek, putiah hati samo bakaadaan.hati sajo dipalapang kok sampai sakarang iko kini, janji nan lah bakarang, padan nan lah baukua, kok nan ka basaluang jo badendang adolah dunsanak kito nan barasa dari Luhak 50 (Payokumbuah) sabagai "Bungo Galeh". Acara Basaluang "Lamak Samalam Suntuak ko, indak balewakan ka nagari-nagari dikampuang doh, ba a sabab dek baitu ? karano nan dimukasuk iyo nak Basaluang Lamak, indak banyak urang nan manonton nan diutamokan, tapi sausano maniakmati Saluang nan paralu. Sakiro itu kaba jo barito, untuang kok lai kapaguno, rila jo maaf pulo nan bamintak kok indak talatak pado tampaikno. Wassalamu'alaikum Wr.Wb. Bandaro Labiah .............Singgalang Jayo ......... Nan singgalang tadanga runtuah urang baranti hinggo jalan dimalah badan "ndak ka rusuah mande nan mati bapak bajalan ............ --------------------------------- Yahoo! Messenger - Communicate instantly..."Ping" your friends today! Download Messenger Now ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ --------------------------------- Do you Yahoo!? Check out the new Yahoo! Front Page. www.yahoo.com/a ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
