Tarimo kasie Mak Ngah ateh panjalasannyo , apakah istilah �inyiek kulambai� tu samacam mithos atau ado kaitannyo jo ilmu magic , sabek satahu ambo di Bali juo ado nan saromantu , yakni pertarungan antaro pamagang ilmu hitam nan disabuik leak , jadi untuak mauji kakuatan antar pamagang ilmu tu , mako diadokan partarungan diwarnai dengan basirunyo samacam api diudaro yang manyarupoi cirik bintang . Dan pado waktu tartantu kajadianko bisa disaksikan . Kalau maliek tayangan TV di Indonesia kiniko , ampie samua stasiun TV manayangkan yang berlatar balakang magic dan mistik , sabuik sajo Mak Lampir , Pamburu hantu , uji nyali dan lain sabagainya dan tabukti punyo rating yang sangat tinggi . Berbicara masalah hantu ko , ternyato bukan hanya terjadi dan ado dikampuang awak sajo , tapi juo konon katonyo juga dikota Metropolitan Jakarta . Dan untuak mambarasiahkan rumah dari pengaruah hantu jaek bisa disewa pakar hantu dengan tariff tertentu . Antah iyo antah tido tapi baitulah nan pernah ambo danga
Wassalam : zul amry piliang di Jimbaran bali
Sender: [EMAIL PROTECTED]
Subject: [EMAIL PROTECTED] Inyiak Kulambai; Inyiak Harimau
Date: Tue, 02 Nov 2004 06:37:29 -0800
To: "Lapau" <[EMAIL PROTECTED]>
Kulambai, dengan variasi ucapannyo gulambai, kalambai, adolah samacam sumber api nan nan manyababkan kabakaran rumah nan indak ado sumbernyo dari dapua atau dari dalam rumah tu sandiri. Api Si Kulambai tu datangnyo malayang-layang atau malambai-lambai dari udaro (langik) inggok manjilek atok rumah sasarannyo, pindah-pindah malambai-lambai ka rumah nan badakekan di Kampuang. Api Sikulambai tu sangat ditakuti di Kampuang karano manuruik pandangan Urang di Kampuang, api tu datangnyo karano ado suatu nan tindakan nan salah dari panghuni rumah tu; api tu dianggap sabagai hukuman ateh kasalahan tu. Kadang-kadang api sikulambai tu disabuikkan urang sabagai manyumahi urang nan bakalakuan salah, "Nan kaditarah Inyiak Kulambai rumahnyo".Istilah "Inyiak" dalam ungkapan "Inyiak Sikulambai" tu manuruik pandapek abo adolah eufmisme caro mahaluihkan panggilan dan kahormatan tahadok Sikulambai nan ditakauti tu, saroman halnyo jo panggilan "Iyiak Harimau" nan ditakuti, indak disabuik langsuang "Harimau" sajo.Baiak Inyiak Sikulambai maupun Inyiak Harimau manuruik pandangan ambo adolah suatu kontrol kapacayoan masyarakat supayo kito dalam kahidupan sosial bakorong bakampuang jan sampai babuek salah ka masyarakat dan lingkungannyo. Kalau di Kampuang ado Iyniak Sikulambai, mankgo di Rimbo ado Inyiak Harimau. Sabagai urang nan lah panah maharuangi Rimbo Gadang, dan lah panah babarapo kali basuo jo Inyiak nan ditakuti tu, ambo iyo ingin manyampaikan suayo kito jan takabua. Kito saliang manghormati dalam masyarakat dan dalam lingkungan hiduik kuliliang kito.Manganai "Inyiak Harimau" ko barangkali Angku Dino dapek bacarito saketek tantang pangalaman baliau di Kampuang di sanjo hari nan panah baliau caritokan ka ambo dari Mandalay, Myanmar, akhir Desember 2003.
Salam,-- Mak Nghah
=========================================================================================== "Dapatkan hadiah utama sebuah sepeda motor, dengan mengikuti Netkuis Ramadhan TELKOM Jakarta di http://netkuis1.plasa.com/jakarta/ramadhan"; ===========================================================================================
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
