Assalamu'alaikum Wr.Wb. manolah sagalo niniak dengan mamak, alim ulama, cadiak pandai, kaum bapak jo bundo kanduang sarato rang mudo Rn
kok bisiak alah samo kadagaran, nan imbau alah samo kalaupauan, sapanjang rundiangan nan katangah dari Mamak Bandaro Putiah (Mak Ban) rasono lah nan luruh makanan banang, nan bungkuak makanan siku. aratino bana apo na disampaikan dk Mamak Bndaro Putiah, iyo lah sabana kato. supayo nan kurang siang nak basiangkan, nan kurang tarang nak batarangkan, ambo cubo maulang manyampaikan kaadaan jalan dari Jakarta sampai ka Pelembang, untuang lai baguno di kito nan basamo. ambo barangkek dari Bogor pukua 23.00 WIB taggal 5 Nopember sasudah manjalankan tugeh baciloteh di Bagurau Di Udaro RRI Bogor. Alhamdulillah, tibo di Merak, indak tarago mananti lamo, ambo dapek naiak kapa jam 01.00 tanggal 6 Nop. Kaadaan dan kodisi terminal / palabuahan Merak langang, indak antri. pukua 03.30, kapa marapek di Bakauheni, bajalan sabanta, baru makan Parak Siang di RM Siang Malam kalianda. sasudah subuah langsuang manuju Palembang, kondisi jalan nan ambo lalui lai rancak, walaupun ado juo saketek nan agak rusak, tapi ditampaik nan rusak tu lai indak masuak kalua lubang gadang bagai doh, aratino jalan tatap bisa ditampah, tapi agak balambek-lambek saketek, dek manenggang Pidati nan alah tuo. Bakauheni Palembang ditampuah dalam wakatu +/- 8 jam, jadi siangno ambo alah tibo di Palembang. Janji biaso batapek-i, ikara paralu bamuliakan, karano alah bakarang janji, mambuek padan jo Tuan H.M. St Bangsawan nak kasinggah di Istana baliau, mako sasudah baputa kian kamari di kota empek-empek, langsuang ambo manuju ka rumah baliau. Singkek carito, dek lah ditingkek janjang, ditapiak bandua, lah lalu ka ruang tangah, lapiak takambang lah bakaduduak-i, namun siriah carano nan alun bakunyak dek sabab jo karano kito sadang ba puaso. sambia manunggu baunyi tabuah mugarik , iyo lah bakelai kan badan agak sabanta, bia nak luruh pungguang sakutiko, ibaraik palapek paneh. Nak aia pincuran tabik, nak ulam pucuak manjulai, tabuah babunyi pabukoan tibo, batamu Sarabi bakuah raso durian, disinan mako puaso babatakan. langkok jo aia buah sarato kue dadar, batambah pulo jo lapek. Alhamdulillah samparono babuko puaso sahari nangko. Sudah sumbayang Mugarik, nan jambah alah katangah pulo, nak mintak pulo diparenai, karano lazim disyara' kawi di adat, panghulu kayo di adat, imam katik kayo di Kitab, nan parmintaan lai batarimo, tapi samantang pun baitu, tantu basamoi pulo di silang nan bapakangka, karakok nan bajunjuang, tipak di Tuan H.M St. Bangsawan. supayo nak basuluah mato ari, bagalanggang mato rang banyak, sangajo ambo mangirim barito iko dari alamaik e-mail addres Tuan H.M St Bangsawan. Insyaallah bisuak subuah-subuah sasudah makan parak siang jo sumbayang, ambo barangkek manuju Tampino taruh ka Muaro Bungo manjalang kampuang Banuhampu nan batinggakan salamoko. Insyaallah, laporan parjalanan bisuak, akan ambo sampaikan pulo ka Palanta. ciek nan jan lupo, pado tanggal 16 Nopember, akan diadokan Saluang "Lamak" Samalam Suntuak di jorong Kotobaru, Kubang Putiah, Banuhampu Sakiro itu nan dapek ambo sampaikan, labiah jo kurangno, rila jo maaf juo nan bamintak Wassalamu'alaikum Wr.Wb. Bandaro Labiah *dari Jl Srigading No 6 Komplek Pusri (Istana Tuan H.M. St Bangsawan) > Sabtu 6/11 19:20 > Ambo dapek SMS dari SBL > > Baliau mamakai Kijang kapsul. > Parjalanan Bakauheni - PLB 10 jam jalan santai, sebagian besar jalan > rancak, saketek nan rusak. Sedan juga bisa liwat. > Sebaiknya diatur waktu ; turun di Bakauheni pkl 1 dinihari, > jadi bisa sampai di PLB sekitar 11 siang, bila tidak nginap bisa > meneruskan ke Jambi. > > Wass > mak Ban > tukang relay berita SBL > ~~~~~~~~~~~~~~~~~ > > > Bandaro wrote: > >> Z St Bandaro Labiah ( SBL) malakukan parjalanan liwat darat >> ( kalau ndak salah jo Kijang) JKT - PLB - JAMBI - MBUNGO - SOLOK. >> >> Sabtu 6/11 18:36 >> ambo dapek SMS dari SBL, bahaso baliau lah sampai di Palembang >> sadang babuko di rmh Mul St Bangsawan. >> Baliau mambaritokan bahaso jalan JKT sampai Palembang aman. >> >> Wass >> mak Ban >> ~~~~~~~~ >> > > ____________________________________________________ > > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
