Assalamualaikum wr.wb : Ambo juo mengucapkan : Salamek ateh pangangkatan / pengukuhan Sanak Haji Mulyadi manjadi Pangulu kaum Suku Limo Singkek Nagari Sulik Aiea , dengan gelar Datuak Marah Bangso. Tapiliahnyo sanak Mulyadi manjadi pangulu ibareknyo "lah satantang barih bana tibo paek " , aratinyo lah sasuai bana jo alua dan patuik sarato adek nan balaku . Walaupun ambo sacaro parsonal alun pernah batamu muko jo Datuak kito ko , tapi dari kiprah baliau salamoko dirantaunet , dapet kito simpulkan bahaso baliau ko alah mamanuhi syarat untuak manjadi pangulu diantaro sabaleh syarat nan ado :
1. Diangkek sacaro adek 2. Urang nan barasa dari kaum suku nan maangkek 3. Laki � laki 4. Punyo sako / gala pangulu 5. Bailmu 6. Tahu saluak baluak adat nagari 7. Punyo harato atau kayo 8. Randah hati , kasih jo sayang terhadap sesama. 9. Santun dan fasiah kalau mangecek 10. Tahu jo bidang tugasnyo 11. Lapang dado , sabar dalam batindak. Kok dapek , sasuai jo harapan Sutan Sinaro , tambahan dari ambo ciek lai , bahaso urang nan jadi pangulu tu saharusnyo iyo "Pamai'( apokoah istilah dalam bahaso Indonesianya , kalau tak salah begini urang nan jadi pangulu harus rajin menghadiri undangan dikampuang , antah baralek kawin , atau manghadiri urang kamatian maupun acara suka duka nan diadokan dek rang kampuang ) , Karano pangulu disamping mawakili pribadi dan kalurganya juga mawakili kaum . Kalau saorang pangulu indak pamai , mako tibo giliran beko maadokan alek dirumah anak kamanakan atau apolah namonyo mako dibaleh pulo deh pangulu suku nan lain , bisa � bisa langang alek jadinyo . Satantang M . Dt Marah Bangso indak manatap dikampuang , sabananyo indak manjadi masalah bana , karano dengan kalancaran sarana teknik komunikasi kiniko , jarak antaro Palembang jo Sulik Aiea taraso dakek , kalau ditampuah bisa babaliak hari . Sakali lai salamek manjalankan tugas , semoga sukses ! Wassalam : h . zul amry piliang bandaro malin. --- In [EMAIL PROTECTED], "Bandaro Labiah" <[EMAIL PROTECTED]> wrote: > > Assalamu'alaikum Wr.Wb. > > kok nan dakek lah tibo siriah, nan jauah balayangkan surek, nan patuk > diimbau alah baimbau, nan makan japuk alah pulo bajapuk, tibolah di > ari nan elok kutiko nan baiak, diari nan sa ari nantun, kok dimudiak > alah tibo nan di ilia alah datang, di ujuang jo di puun alah > bakumpua, alamaik sanang no ati sajuak di dalam kiro kiro. Mako diisi > lah adat, nan limbago batuang pulo. indak ado kurang ka ditukuak, iyo > lah banamo samparono, disinan tasabuk Batagak Gala, dalam Suku V > Singkek Kubang, Kanagarian Sulik Aia. > Basuluah mato ari, bagalanggang mato rang banyak, lah lakek Saluak, > basalekkan Karih, pakaian kabasaran Panghulu Nan Gadang Basa Batuah, > di Tunggak nan Sabatang, Payuang Nan Sakaki, Suku V Singkek, Kubang, > Sulik Aia. Datuak Marah Bangso. > > Ba a diawak nan basamo kini ? > Sungguah pun Rantau Net basabuk "Alam Maya", nak saelok sarancakno > lah dikito nan basamo mamakai kan adat lamo pusako usang, iyo > tantangan maimbau jo manyabuk baliau nan lah didaulukan salangkah > ditinggikan sarantiang nang ko, elok dimbau jo disabuk Datuak, usah > tadanga juo "namo", baitu pulo kok pakai "dunsanak" sajo, antah kok > kito dilua "Alam Minangkabau" > > Ba a dek baitu ? > iyo karano lah bapakai manuruk adat, manjadi undang di nan tuo, > karano Tanduak alah batanam, nan darah lah pulo bakacau, nan dagiang > alah balapah, mako mintak diimbaukan dilabuak nan goloang, pasa nan > rami, di tapian tampaik mandi, kok malompek patah, nan manyuruak > bungkuak, samo manuruk kapado undang, nan ketek jo nan gadang ,nan > mudo sarato tuo, karik kabiah, ipa jo bisan, apolai anak kamanakan, > samo maimbau jo manyabuk Gala baliau. > > kok ketek ta anjo-anjo, lah gadang tabiaso, tibo tuo tarubah tido, > jan abih gali dek galitiak, ilang biso dek biaso, elok dimuloi sajak > kini nangko. > > Limbak nan dari pado itu, sato manyolo ambo saketek. Sungguahpun jadi > Panghulu adolah "Baban Barek Singguluang Batu" aratino tangguang > jawab nan barek, tapi kan lai indak jo kapalo dijujuang doh, kok > dijujuang bana baban barek tu, lai dijujuang jo aka no. asa lai kito > mamakai ilimu "Tahan Basi" yaitu "Bajalan Luruh, Bakato Bana, jo > Babuek Baiak", Insyaallah, nan barek tu lai taraso ringan, nan > dimukasuk lai ka sampai, nan diama lai rasono ka pacah, pulang di > awak mamakaikan. > > Sakian dari ambo, nyampang kok tasuo khilaf jo gawa, mintak dipaelok- > i di nan basamo. > > Wassalamu'alaikum Wr.Wb. > > > Bandaro Labiah > > Ketek disabuk namo, kok gadang diimbaukan Gala, apolai lah jadi > Panghulu. > > --- In [EMAIL PROTECTED], Sutan Sinaro <[EMAIL PROTECTED]> wrote: > > Assalamu'alaikum.w.w. > > Ambo sato maucapkan selamat ka sanak Mul, > > cuma kok di suku kami, pangulu harus berdomisili > > di kampuang, dakek jo anak kamanakan. Tapi antahlah > > di suku sanak Mul ko. > > Limbak nan daripado itu, saran ambo ka sanak Mul > > iyolah untuak hati-hati mamikua tangguang jawab. > > Sabab kito sadonyo adolah pemimpin dan kito nantik > > akan ditanyo apo nan kito pimpin. > > ====== > > Itu nan dapek dari ambo nyo Mul, > > Mudah-mudahan lai di jalan nan ditunjuak dek Allah > > swt. andaknyo sanak Mul bapijak. Aaamiiin. > > > > Wabilahil hidayah wat taufiq > > > > Wassalam.w.w. > > > > St. Sinaro ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
