Waalaikum salam, wr,wb. Alah sampai dek Mamak Sati tu. Mak Sati pulo ambo imbau, sungguahpun Mamak surang nan taimbau iyolah kapado sagalo kito nan ado di palanta RN ko, ketek indak kabasabuik namo gadang indak ka baimbau gala, sambah tatumpu ka Mamak surang. Sambahnyo iyolah sambah pendek sajo, satantang rundiangan nan Mamak katangahkan tu, bahaso Pangulu tu urang nan ditinggikan sarantiang dan didaulukan salangkah, indak baitu doh Mak, dek kito di Palanta ko duduak samo randah tagak samo tenggi, jadi ambo harok perlakukanlah ambo seperti biaso sajo, sebab pangulu tu hanyo untuak anak kamanakan sajo, sadang kito di palanta ko mampaarek Hablum minannas. Jadi itulah nan ambo mintak ka Mamak. Sakian sajo Mak, lupo2 maingek i. Tarimo kasih doanyo Mak.
Wassalam, HM.Dt.Marah Bangso > Dt. Marah Bangso, > > Bialah talambek bana, tarimo juolah ucapan salamaik dari mak Sati > saparinduan di Tabiang. > > SALAMAIK MANJADI PANGULU NAN GADANG BASA BATUAH, > NAN DITINGGIKAN SARANTIANG, NAN DIDAULUKAN SALANGKAH, > NAN DIANJUANG DIAMBA GADANG, > KA PAI TAMPEK BATANYO, KA PULANG TAMPEK BABARITO, > KAYU GADANG DI TANGAH PADANG, UREKNYO TAMPEK BASELO, BATANGNYO TAMPEK > BASANDA, DAUNNYO TAMPEK BALINDUANG, TAMPEK BALINDUANG KAPANASAN, TAMPEK > BATADUAH KAHUJANAN DEK ANAK KAMANAKAN. > > Semoga jadi Datuak nan adia ka sagalo anak kamanakan, dilimpahkan kakuatan > lahia bathin mamikua baban barek singguluang batu ko. Amin ya rabbal > alamin. > > mak Sati (67->68) > Tabiang ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
