Wa'alaykumsalam Wr.Wb. Mak H.M. Datuak Marah Bangso !
sabalun kato kadijawek, sabalun gayuang kadisambuk, rila jo maaf nan bamintak karano barundiang jo Mak Datuak. Abdurrauf rajo rang Makkah naiak tahta duo tingkeh daulu kato basitinah kudian kato basicapek basicapek pulo bakumbalikan ka Mak Datuak Satantangan rundiangan nan katangah di Mak Datuak, alah ambo simak dari awa sampai akhia, kok ka ambo ulang, disinan juo katibono, elok diambiak sajo ujuk jo mukasuk, kan lai dalam adat Mak Datuak ? adopun ujuk jo mukasuk rundiang dari Mak Datauak, iyo nak mancari tarang sarato jaleh baliau nan manjadi Ketua Umum Solok Saiyo Sakato sarato jo alamaikno (talipon), kan itu bana Mak Datuak ? alhamdulillah, dek duduak lai basamo, nan sampik taraso lapang, lah ambo cubo batanyo, nan kalam lah dapek tarang. nan isino bana, nan manjadi Katua Umum SSS iyo Mamak Irjen Pol Marwan Paris, baliau iyo Panghulu pulo. satantangan alamaik iyo alun dapek diambo, tapi talipon pacik (HP) lai ado. Sakitu nan dapek ambo sampaikan, untuang kok lai kapaguno, nyampang indak dinan sakik lakek ubek, atau dinan gata nan bagauk, rila jo maaf ambo pintokan, nan kabanaran bakumbalikan ka Mak Datuak wassalamu'alaikum Wr. Wb. Bandaro Labiah No.HP ambo lalukan lewaik udaro --- In [EMAIL PROTECTED], "Mulyadi" <[EMAIL PROTECTED]> wrote: > Assalamu'alaikum, Wr, Wb. > Nan terhormat Sutan Bandara Labiah, > Dunsanak ambo Tan Badaro Labiah pulo diimbau, sungguahpun Sutan surang nan > taimbau, wujudnyo iyolah kapado Niniak Mamak nan gadang basa batuah, ==== > Yth Bpk. Irjen Pol Marwan Paris ketuanyo (sakali lai tando tanyo ?). > Jadi ambo mintak tolong ka Sutan Bandaro Labiah atau siapo sajo nan bisa > manjawek ka jadi tanyo dari kami nan di Palembang ko, kama kami harus > menghubungi Bpk Marwan Paris tu. (mungkin Rank Marola pasti dapek manjawek > tanyo ambo ko) dan kalau dapek kami dikirimkan AD/ART dari SSS ko. > > Untuak samantaro itu dulu etongan nan ambo katangahkan ka karapatan RN ko, > mungkin ado nan tahu, talabiah dahulu kami haturkan tarimo kasih. > > Sifek mananti lah ambo agak sajamang. > > Wassalam, > HM.Dt.Marah Bangso > > . > > > > > > ____________________________________________________ > > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
