Assalamualaykum Wr.Wb. Baiaklah Andi eh eh "Z Chaniago", kok kurang siang ambo cubo manyiangkan, kok kurang tarang ambo cubo manarangkan.
untuak manyampaikan pandapek, ambo raso bak kato papatah juo : "manyauak di ilia-ilia, bakato dibawah-bawah" aratino tantu dalam manyampaikan pandapek, kito harus randah hati, bukan randah diri. Saumpamo, kok ado usual jo saran dari awak, tantu biasa awak mangatokan : "ba a kalau nan manuruk pandapek ambo sarupo iko ? kok lai pulo uda/ apak satuju, karano nan tampak diambo rasono rancak sarupo iko, antah kok ado pulo usua nan lain ? ". tantu di sampaikan pulo jo alasan dan sakiro tapek. Satantangan barianlah ka nan ahlino, iyo tapakai pulo dalam adat, indak babedo bagai doh. kalau dalam barundiang, ado urang nan mampatagakkan nan di ano sajo, sadangkan nan dikamukokanno tu alah dibantah pulo jo alasan urang lain nan rasono iyo bana, mako urang nan sarupo itu banamo indak dimakan bana, karano nan bana kan badiri sandirino sakalian sajolah, kalau nan dimukasuk >"tibo di mato indak bapiciangkan, tibo diparuk indak bakampihkan, didado indak babusuangkan", kapatang adolah mancari adia ata bauek adia. paralu pulo kito ingek, bahwasono sabalun kito manilai sasuatu subyektif atau indak, caliaklah atau kajilah aturan / norma / kaidah nan balaku nan manjadi dasar dari usua nan disampaikan. itu dari ambo, untuang lai tagauk di nan gata. Wassalamu'alaykum Wr.Wb. Bandaro Labiah --- In [EMAIL PROTECTED], "Z Chaniago" <[EMAIL PROTECTED]> wrote: > Assalamu'alaikum WW > > Soal "proporsional" tadi tu ha...., baa nan rancak untuak manyampaikannyo > .... misalnyo dalam satu rundiangan.... si A mangatokan wak bagi sajo tigo > surang karajo iko...... sadang nan rancak tantu iyo proporsional....dek > kato nabi... agiahkan karajo ka ahlinyo...... sadang si panyampai kato > mandaki samo si A tsb.... ?? > > Kalau disampaikan jo caro "tibo di mato indak bapiciangkan, tibo diparuk > indak bakampihkan, di > dado indak babusuangkan" , ndak kareh bana tu..... > > Soal lalukan nan diawak iyokan nan diurang...., dengan tambahan lalukan nan > diawak jo dalilnyo....... > dalilnyo tu sabananyo nan rada-rada susah karano bisa subjektif.... jaan kan > dalil aqli dalil naqli sajo lai coitu..... BTW nan pertamo diateh sajo > dulu... > > Wassalam > > Z Chaniago - Palai Rinuak - http://www.maninjau.com > ====================================================================== > Alam Takambang Jadi Guru > ====================================================================== > > > > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
