Assalamu'alaukum wr. wb.
Masalah enterpreneurship ko kini sangagk dialu alukan di kandang singo, dimano
pamerintah mambarikan kemudahan dan sagalo fasilitas bagi mereka nan amuh tajun
ka dunia ko.
Pamerintah maliek bhw jiwa wiraswasta di kalangan panduduak-no alah mulai
manurun sejalan dengan masuakno industri dan modal asiang sajak mulai tahun
70-an. Memang kebijaksanaan pado ukatu itu adolah manciptakan tanago tadidik
untuak manjalankan industri nan berkembang disiko, tapi lamo kalamoan nampakno
iko mangikis jiwa wiraswasta dan petualangan masyarakat nan sangaik dibutuahkan
untuak manggerakkan roda ekonomi dan malakukan inovasi2 baru.
Kalau kito liek kiniko sebagian besar mereka nan tajun ka dunia wiraswasta
sebagian besar adolah mereka nan indak mencicipi bangku pendidikan nan tinggi.
Saroman nan alah digambar dek artikel nan dikirimkan dusanak Reza bahwa sajak
kalaih 4 SD mereka alah diklasifikasikan sedemikian rupa shg indak saluruahno
bisa masuak ka PT. Golongan iko lah nan punyo sumangaik dan kamauan nan gadang
utk tajun ka dunia bisnis.
Tapi kini pamerintah juo mulai mengarahkan bhw lulusan PT jaan hanyo bacito
cito jadi pekerja tapi hrs mulai malirik ka dunia entrepreneurship. Beberapa
kurikulum sudah mulai dirubah dan bahkan mereka mengundang wiraswastawan sukses
baiak dari dalam atau lua nagari untuak maagiah seminar di kampus2.
Indak ado kato lain dari kito bangsa Indonesia supayo mulai maurak selo,
mambukak langkah, mangumpukan sagalo potensi nan ado mambenahi sagalo kusuik
supayo salasai kalau awak ingin duduak samo randah tagah samo tinggi jo bangsa
lain di dunia. Buliah dikatokan di kawasan Asean sajo awak tamasuak dibawah
dibandiangkan Singapur, Malaysia dan Thailand di bbrp bidang kecuali di bidang
Korupsi :-(
Indak kalah pantiangno nan acok disampaikan dek mak parapatiah sinergi, sinergi
dan sinergi sampai muluik baliau babusa busa tapi tampak no gauangno alun baitu
kareh. Mungkin sabagai urang Minang mungkin awak bisa manurunkan stelan awak
sangenek jaan hanyo manampakan saiang masiang2, waden nan santiang, waden nan
hebaik, indak namuah mangalah, jaan kan kalah podo sin indak. Tapi sabanano
awak alah kalah,kalah dan kalah tapi indak amuah mangakui kakalahan awak.
Ma'af mamak lah mancaracau kamanakan mamak ditangah ari, mungkin iyo lah mulai
damam atau mungkin tasapo tadi di lubuak bunta.
wassalam
Junaidi 38, kandang singo
---------------------------------
Do you Yahoo!?
The all-new My Yahoo! � Get yours free!
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
