Assalamu'alaikum wr.wb.,
He..he..he..
Sato pulo ambo saketek sarago pagi ko, nyiak.
Galinjan tu takana diambo tomat ketek-ketek. Nan masih mudo (hijau), biasono
dibuek-an urang ka samba lado tomaik (eh....., tomaik lo nan jadi baliak).
Taruang padang nan sirah tu rasono iyo indak dimakan urang doh, labiah bak
cando kabungo hiasan sin takana diambo. Indak sarupo jo taruang bulek nan
dijadian lalap dek urang Sunda.
Sakitu sin sato ambo no, nyiak
Wassalamu'alaikum wr. wb.,
Lembang Alam
Sjamsir Sjarif <[EMAIL PROTECTED]> wrote:
Angku Zaimir, kalau di Kampuang ambo di Ampek Angkek, tomat ko namonyo
Galinjan. Apokoh angkatan kini masih manyabuiknyo Galinjan atau lah Tomat
sajo ambo indak tahu, karano lah lamo bana indak mandangnyo, atau karano
ambo lah jauah dari Kampuang baiak dari jarak wakatu maupun tampek.
Dek tadanga Taruang Paringgi ko, takana lo di ambo Taruang Padang, agak
saroman Galinjan juo, tapi indak dimakan dek Urang Awak doh, mungin agak
asam atau agak tajam rasonyo saketek. Apokoh istilah Padang ko dari Taruang
Padang ko dari "daerah" Padang (ambo raso indak), atau padang dalam
konotasi lapangan atau daerah tabukak. Mungkin itulo asa kato Taruang Asam
barangkali yo? Rasonyo Urang Sunda atau Jawa mamakannyo.
Salam,
-- Mak Ngah
---------------------------------
Do you Yahoo!?
Yahoo! Mail - 250MB free storage. Do more. Manage less.
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
