Maa Angku Bandaro Labiah,
Tarimo kasih jo barito Angku baiak nan kini atau sabalunnyo. Ambo alah mancubo mangirim sms ka Mak Sati tapi tampaknyo hpnyo pudua. Tapi sasudah ambo verifikasi jo Rita Desfitri nan kabatulan pulo pai ka Batawi patang, kini lah di sinan, keceknyo hp Mak Sati ndak pudua doh, tapi di Jakarta hp ain nan dipakainyo. Jadi sms ambo indak sampai ruponyo.
Kok iyo Angku Bandaro Labiah lai sampai manccaliak baliau di rumah sakik iyo kok dapek manumpang pasan ambo jo iriangan doa mudah-mudahan Rangkayo dapek salamat dalam operasi tu dan lakeh sehat baliak salakehnyo. Tarimo kasih.
Salam, -- Mak Ngah
36117
From: Bandaro Labiah <[EMAIL PROTECTED]> Date: Mon Dec 20, 2004 5:09am Subject: [EMAIL PROTECTED] Adaik Iduk.
Assalamu'alaykum Wr.Wb.
Angku-angku, Niniak Mamak, Cadia Pandai, Bundo Kanduang sarato Rang Mudo RN.
karano bapakai manuruk adaik, manjadi undang di nan tuo, kok iduk jalang-manjalang, kok sakik silau-manyilau, tumbuah kamamatian samo manjanguak, kaba baiak baimbauakan, kaba buruak bahambauan.
Lorong nan bak nan tun, di ari nan sa ari nangko, iyo tibo pulo cobaan dari Allah kapado badan diri Etek / Mintuo kito ("urang rumah" Mak Sati Syamsir Alam) yaitu ado saketek pinyakik nan paralu dioperasi, lorong kapado baliau (Mak Sati jo Etek / Mintuo) kini sadang barado di Jakarta, rancana pagi ko ka dioperasi di RS Dharmais. Alhamdulillah pagi cako pukua 08.30 BBWI, ambo alah batamu jo Baliau, sabalun Etek / Mintuo di operasi. Rancana samulo operasi dimuloi jam 08.00, tapi sampai ambo maninggakan RS jam 09.45, operasi alun dilakukan.
Untuak itu, marilah kito samo mando'akan, samoga operasi bajalan dengan baiak, tidak ado aral malintang, dan capek pulo sehatno.
Sakitu kaba dari ambo, labiah kurangno, maaf juo nan bamintak
Wasssalamu'alaykum Wr.Wb.
Bandaro Labiah
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.805 / Virus Database: 547 - Release Date: 12/3/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
