Assalamu'alaikum wr.wb. Ambo sato pulo mando'akan 3 urang kamanakan mak Darul agar disalamatkan oleh Allah SWT, apo mak Darul ala dapek kaba salanjuiknyo? Ambo saminggu labiah libur dikampuang jo kaluarga. Hari Rabaa minggu lalu, 3 hari sabalun kajadian gampo dan galombang Tsunami di Aceh kami balayie kapulau Penyu nan lokasinyo jauah ditangah Samudra Indonesia diantaro daratan Sumatera jo Kepulauan Mentawai, ado sajam satangah baparahu motor kasinan.
Alhamdulillah kami lai tahinda dari musibah, baa kiro-kiro bayangan mak Darul kalau kami kakiin hari Minggu kajadian tu. Lagi pulo parahu kami ketek hanyo bisa mamuek 15 urang. Baju kami sampai basah dek pacahan ombak nan dibalah parahu kami. Kami bamalam di pulau Penyu tu samalam. Pantainyo sakuliang bapasie putiah, panjangnyo sajam bajalan kaki. Dipulau tu iyo banyak jajak kaki penyu kami liek nan datang hanyo untuak maantakan dan mzanyimpan taluanyo dipantai nan ado sampai 300 buah sakali batalua. Kami baruntuang sempat manonton penyu nan sadang mangaluakan taluanyo malam hari pakai lampu senter. Kato nelayan disinan waktu penyu tu batalua kalua pulo aiia matonyo. Barangkali penyu tu sadiah mamimikiekan baa nasib taluanyo tu,sasudah inyo tinggakan pai cari makan dilauik. Memang bana malam hari tu juo kami disuguhi abuih talua penyu tu angek-angek, sasudah kami manikmati hasil pancingan ikan segar nan dapek dari tangah lauik dan bamacam pulo ragamnyo, mulai dari ikan krapu,kuwek,tanggiri,kakap,balanak sampai ikan todak. Ado pulo nan pakai jalo bisuaknyo dapek sakaligus 23 ikua ikan balanak dan kabatulan hari tu tanggal 23 Desember sarato ado pulo surang dari rombongan kami nan baulang tahun. Sagalo kanikmatan dan kaindahan alam kami rasokan dipulau tu kacuali pakaro tidua. Samalaman kami indak lamak laloknyo dek karano banyak rangik dan lalok diateh lantai papan. Pulau Penyu tu marupokan salah satu obyek wisata dikabupaten Pasisie Selatan Painan. Disitu bisa mandi dan baranang diayianyo nan janiah jo barasiah. Kalau buliah ambo batanyo saketek, baa hukumnyo mamakan talua penyu tu? Barangkali kamanakan Rahima atau Ahmad Ridha dapek mancarikan dalilnyo. Ambo ikuik sanang mak Darul mamprakarsai pangumpuan dana paduli Aceh. Sayang ambo alah talojok manyarahkan ka Posko PKS sakalian jo pakaian bekas. Sakali lai kito mandoakan agar nan maninggal ditarimo Allah sabagai mati sahid dan nan ditinggalkan agar tatap tabah dan tawaqal mahadapi musibah. Samoga kito bangsa Indonesia dapek maambiak hikmah dari samacam peringatan nan dibarikan Allah SWT ko. Amin ya rabbal 'alamin. Wassalam, Asmardi Arbi. -----Original Message----- From: [EMAIL PROTECTED] [mailto:[EMAIL PROTECTED] On Behalf Of Darul Sent: 27 Desember 2004 17:14 To: Palanta RantauNet Subject: [EMAIL PROTECTED] Rekening RN bisa untuak Tsunami??? --- Salurkan ZISnya Assalamulaikum WW Ambo saroman biaso, basadio manampuang samantaro sumbangan sanak Rantaunet untuak gampo Aceh, mohon kasadioan rekan untuk manyisiahkan sebagian ZIS-nyo dan dikirim ka rekening dana sosial mbo: Bank Mandiri Jkt RS Jakarta Rek No. 1220093036567 atau BCA Jkt Sudirman Rek No. 0350154469 atas nama Darul Makmur. Tolong angka terakhir dinyatakan ACH (224) misanyo kamangirim Rp. 10,000 maka dikirim Rp. 10,224. utk Rp. 100rb dikirim Rp 100,224 dst. Mohon doa sanak, mudahan 3 orang kamakan mbo dan ex adik ipar indak tamasuak korban nan sekitar 3000 di Banda Aceh. Mereka tingga di pelabuhan Perikanan Lampulo Banda Aceh. Dari kapatang mbo cubo manalepon salalu tulalit sajo, titiak aia mato satiok takana kabanakan nan alah piatu tu. Wass. WW St.P _______________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
