Assalamu'alaykum Wr.Wb. sairiang balam jo barabah banyak nan ampek puluah ampek tabang malayok di ari sanjo sairiang salam nan jo sambah salam tibo ka nan rapek sambah kumbali ka pangkanyo
sapanjang nan ka tangah di "Dewis Natra", kok bisiak alah samo kadangaran, kok imbau alah samo kalampauan, alah pulo disimak dari awa sampai akhia, indak ka tarago diulang, kok diulang sinan juo katibono, Insyaalah. lah dirasuak manjariau, alah dilae lakek ato, barang sasuatu alah tibo ditampaikno. Ma.. ! "Dewis Natra" limbak nan dari pado itu, karano bapakai manuruk adat, manjadi uang di nan tu, kok kato kan iyo bajawek, kok gayuan kan paralu sambuk, mako ka jawek jo sambukno dari amabo adolah : Bak kato "Dewis Natra" juo, kok jauah balain diam, nyampang dakek balain tampaik, karano kito bakajauah, mako kok indak tajalang di ambo mahadiri alek nantun di Kubang Putiah, rila jo maaf nan basampaikan, maklum "Dewis Natra" tantang itu. Tapi sungguahpun kito bakajauan, badan nan indak bisa datang ka Kubang Putiah, Insyaallah, do'a salamaik mairingi langkah jo karajo "Dewis Natra", lai kolah banamo dalam adat ? bana kumbali ka "Dewis Natra" juo. Wassalamu'alaykum Wr.Wb. Bandaro Labiah --- In [EMAIL PROTECTED], "Dewis Natra" <[EMAIL PROTECTED]> wrote: > > Ass. Wr. Wb. > Sambah sujuik jo simpuah, sabarek bungka nan piawai, naraco luruih mainan > daun, indak basisiak jo basibak, indak baatok jo barampai, ketek nan indak > basabuik namo, gadang nan indak basabuik gala, ujuiknyo sambah nan taserak > ka sidang palanta. > Tanam siriah, tanamlah udang, > Tanam karakok dihalaman > Cabiak lah siriah gatoh lah pinang > Giliang la rokok pamenan tangan > >==== Wassalamu'alaikum Warahmatullahi Wabarakatuh > Dewis > (Cuti karajo dari tgl 5 - 23 Januari) > > > ____________________________________________________ > > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
