Ass,wr,wb. Mamak ambo Mak Sati nan mambujang lokal di aia tawa Padang, Ambo doakan agar Mintuo lakeh sembuh seperti sediakala, indak ado panyakik gulo atau diabetes pasca operasi tu, sarato efek negatif panyakik tiroidnyo tu. Ambo kini sadang di Banduang, tapeknyo di Ikopin/Lapenkop Jatinangor di kantua mantan anak murik ambo waktu maaja di MAN Medan dulu, kini anak murik ambo tu manjadi Direktur di Lapenkop nan banamo Yusri Suhud. Komputer nan ambo pakaiko komputer diruang Cyber kantua nyo tu. Inyo ko minantu dari urang Solok. Yusri ko anak Medan nan kuliah di ITB salapeh sekolah di MAN Medan tahun 1984 nan lalu. Ambo ka Banduang dalam rangka mancaliak si Andika anak ambo nan tuo pindah kost dari tampek kost nyo nan lamo nan kini kuliah di Fisika ITB, sekalian anak nan nomor duo akan persiapan untuak Bimbel dibulan limo nantik dan sakalian mancaliak kampus Unpad Jatinagor. Ambo di Banduang ko sampai bisuak, sudah tu di Jakarta duo malam dan taruih baliak ka Palembang. Dunsanak nan di Banduang alah ambo kontak per SMS, tapi indak ado nan manyahuik, baitu pulo dunsanak ambo Bandaro Labiah nan di Bogor, mungkin beliau2 tu sibuak atau sadang cuti indak ado ditampeknyo. Bialah .....!!! Jadi Mak Sati, sakali lai ambo doakan Mintua segera sembuh kembali dan dapek bergabung jo Mak Sati di Padang secapeknyo, bia Mamak indak mambujang lokal lagi. Ka dunsanak RN lainnyo, maaf baru kini dapek manyapo "Selamat Tahun Baru 2005" sebab kami dimalam pergantian tahun sadang dirimbo jalan Lintas Timur Sumatera. Dengan doa : Agar negara kito di tahun 2005 ko lebih kuat menghadapi cobaan2 yang baru ditarimo seperti gampo dan tsunami dan dapek manyalasaikannyo dengan bijaksana. Amin...
Wassalam, HM Dt.MB ( hampia 48 ) di Cyber Room IKOPIN Jatinangor > Ma sagalo adidunsanak jo anak kamanakan di salapan pinjuru angin, > > Assalamu'alaikum wr. wb. > > Walaupun ambo lah 8 hari baliak ka Padang, tapi dek paruik komputer ambo > ko gaca pulo ambo dapeki baitu tibo di dangau hari Jumaik pakan nan lalu, > ambo indak bisa ka lapau. Hari Sabtu, 25-12, hari libur, hari Akaik > tanggal sirah. Baru bisa ambo bao ka dukunnyo hari Sinayan, dan dek > sakiknyo agak barek, kecek dukun musti "rawat inap" dan baru bisa ambo > japuik kapatang sanjo. Subuah cako baru bisa download imel nan lah ampia > 700 postiang talungguak di server ISP. Hampia satu jam ambo download, dan > ampia 400 nan talungguak di folder palanta. Baru sabanta ko sudah ambo > scan, dan manulih posting partamo ko. > > Partamo sakali ambo mangucapkan banyak tarimo kasih ka sagalo adidunsanak > jo anak kamanakan nan lah bahambauan dari sagalo pinjuru angin ikuik > basimpati dan mandoakan agar operasi kanker tiroid nan musti dijalani > induak bareh ambo di RS Kanker Dharmais, Jakarta. Indak taatok dibilang > gala tiok adidunsanak jo anak kamanakan, baiak nan mangirim sms (antaro > lain dari kamanakan ambo Rahima dari Kairo dan sanak ambo Sjamsir Sjarif > dari Santa Kuruih dan banyak sangaik nan lain) maupun posting ka palanta > nan baru sabanta ko ambo baco, talabiah-labiah nan lah basusah payah > manyilau ka RS: kamanakan ambo Bandaro Labiah dari Patra Jasa jo Bandaro > nan sangajo datang dari Bogor, jo dunsanak ambo, Bundo kito di palanta, > Rangkayo Nismah Rumzi. Baitu juo ka adidunsanak jo anak kamanakannan lah > basusah payah malewakan di lapau kutiko ambo off-line. Indak ado nan bisa > ambo sabuik kiniko salain tarimo kasih nan indak tainggo, mudah-mudahan > manjadi amal ibadah bagi adidunsanak jo anak kamanakan di sisi Allah swt.. > Amin ya rabbal alamin. > > Alhamdulillah, operasi nan makan waktu lk 2,5 jam hari Sinayan, 20-12, > berhasil sukses. Cuma, treatment radiasi nan harus dijalani pasca operasi > punyo efek sampiang, yaitu, naiaknyo kadar gulo darah sampai 400 (kabanyo > nan normal 120-180) nan mangakibaikan badannyo lameh, walaupun sabalunnyo > baliau indak pernah menderita diabetes. Manuruik dokter nan marawat, > nantik, sasudah paket radiasi nan 20 sp 30 kali salasai, kadar gulo darah > baliak normal co samulo. Mudah-mudahan, tolong jo doa. Akibaiknyo, baliau > musti disuntik insulin 3 x sahari, dan musti di bawah kontrol dokter > taruih manaruih. Jadi sampai saat ko, baliau masih rawat inap di Dharmais. > > Mungkin adidunsanak jo anak kamanakan lah tau juo, salamo ko kami tingga > baduo sajo manunggui dangau di Tabiang, dek sagalo anak di Banduang. Kini, > sasudah kondisi rang rumah indak baitu mangkhawatirkan, hari Jumaik, > 24-12, ambo baliak ka Padang, dek cameh pulo maninggaan rumah takunci > sajo, walaupun dipitaruahan ka tetangga sabalah. Kini ambo jadi satpam > panunggu dangau, jadi bujang lokal, antah sampai pabilo. > > Dek musti manalepon rang rumah 2 @ 3 kalai sahari, di sampiang taruih > standby di Halo 0812 6600 639, ambo pagunoan pulo Kartu As nan tarif > manalepon jauah labiah ekonomis, cuma Rp 1200,-/minik flat Sabang Merauke, > 24 jam dan bebas roaming nasional dg no. 0852 630 77737. Maklum, > pansiunan, tapaso mancari nan paliang murah. > > Salam, > > mak Sati (67->68) > Tabiang, Padang ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
