Dunsanak kasadonyo. Sakali lai maluruihkan tulisan tentang
"Kemana Pasukan Jihad", ambo uleh saketek lai.
Partamu; ambo minta maaf dek tanggapan ambo babarapo hari
nan lalu indak bakalincikan. Masalahnya, ambo mambuka
e-mail malam hari, kiro-kiro pukua satu malam, kaco mato
indak batamu, bantuak itulah jadinyo. Tapi dek darah
tasirok karano mambaco postingan anak-kamanakan kito nan
paralu diluruihkan, bapasokan juo mambaleh.
Kaduo; untuak dunsanak katahui, paliang tidak ado duo
kelompok "Barisan Jubah Putih" (versi ambo, "Penganut Islam
Yang Taat) nan ado di Banda Aceh dan Aceh Besar. (1)FPI,
jumlahnyo labiah dari 800 urang. (2)Kelompok Kebun Jeruk
dengan jubah putih dan jenggot yang khas, rato-rato 400
urang siliah-baganti. Hari Senin di Landasan Udara Iskandar
Muda ambo batamu jo dunsanak awak nan barasa dari Kiktinggi
nan bajubah putiah tu, tapeknyo baliau di Gurun Panjang.
Dek lah duo kali sinayan dunsanak kito tu di sinan, kini
pulang mancari baka ka babaliak ka Aceh baliak. Tanyato
kadatangan baliau ko jo biaya sandiri, indak mambuka posko
bantuan atau maedarkan kupiah dimusajik bagai doh. Jumlah
baliau 9 urang, pulang lewat Pakan Baru, naiak hercules.
Salamo disinan, baliau indak cuma mancari jenazah, tapi
malam hari baliau maramikan musajik, maagiah "siraman
rohani", manyantuni anak yatim samampu baliau. Itulah
sakarek ketek penggalan carito "Jubah Putiah" versi
dunsanak kito tu.
Maaf ambo lah di Jakarta hari sajak Sinayan malam. Pagi ko
(Kams, 20/1) baru mambuka e-mail. Kandak dunsanak untuak
mangodak lokasi tertentu di Aceh tapaso indak dapek balaku,
dek ambo lah talongsong baliak ka Jakarta. Mohon maaf
sakali lai.
Tapi nan paralo bagi kito adolah berbuat samampu kito,
paliang indak jo do'a. Buliah kito bawacana, tapi nan
positif, nan ka mandorong urang untuak babuek baiak.
Insya Allah.
Sakali lai, "Apo nan tampak, cari pangka, apo ann tadanga
cari pangka"
H.Dt.Panduko Nan Gadang
__________________________________
Do you Yahoo!?
Yahoo! Mail - Helps protect you from nasty viruses.
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
