--- In [EMAIL PROTECTED], "[EMAIL PROTECTED] Nismah Rumzy" <[EMAIL PROTECTED]> wrote: > Assalamu Alaikum W. W.
> Kalau di Pikumbuah "tondeh" tu iyo dama nan dimainkankan untuak > batondeh. Induaknyo untuak mamantak dama tu namonyo "sipilin". Sipilin > ko iyolah dama nan lah diasah sampai licin lalu dijadikan sarupo fungsi > bola di main bowling. Permainannyo mirip bowling nan jatuah nan > dijadikan point. Manjalang kamalempar si pemain akan ma "utek" dulu > daman an tasusun dimuko tu. Sudah tu dilempar dengan "sipilin" tadi. > Kalau indak kanai sasaran nan di utek tadi mako urang tu dikecekkan > "udi". Bundo ! kalau dikampuang ambo namo induak dama/ kamiri untuak panojeh dama nan basusun tu namonyo " penda " , tabuek dari dama nan paliang gadang disabuik juo dama laki laki , untuak supayo labiah barek mako isi dama tu dikaluakan dulu dengan bantuan samuik , sudah tu beko dama nan lah angkuang tadi diisi jo pacahan kuali bia manjadi barek . Mako jo itulah ditojeh kumpulan dama nan baonggok tadi sampai basibaran kalua garih bulek tu . Satiok dama nan kalua manjadi hak milik sipamanang . Itulah karajo dan parmainan ambo sangkek ketek dulu samaso dikampuang . Nampaknyo lah banyak parmainan tradisional nan lah ilang dan hanyo tingga kanangan sajo bagi sabagian urang , contohnyo batikuak , main galah , sipak tekong dll karano lah baganti jo parmaian baru nan labiah modern sarupo bowling , game dan playstasion . Wassalam : zul amry piliang ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
