Assalamulaikum WW Batanyo ciek mak Ngah, apo di Indonesia sajo nan ado nyamuk ko? Sabok mak Ngah mangecekan kalau pulang ka Indonesia. Pada hal mak Ngah alah malala kuliliang bumi Allah ko.
Kalau diambo sakaluarga nan banamo kulambuko iyolah pamenan lalok sajak dulu. kalau ka lalok mako kalambu nan dipakai dulu. Takana diambo sawaktu maanta anak gadih ketek, sibungsu nan padusi surang, pai mangaji di Pesantren Darunnajah Ulujami Jkt dulu. Ambo jaikan surang kalambu untuakno. Dan tahuno iyo ano surang nan mambao kalambu ka asrama tu. Kalau marasai dek digigik nyamuakko, iyo alah ambo raso samaso ketek, kanai pinyakik mandingin tu, iyo sabana manggigia badan dekno. Taraso bagoyang dindiang rumah, dek mangaluakan suaro saat manggigia, sampai urang mangecekan awak barayanrayan sakik. kalau kanai malariako nan bacari dilampuang dulu iyo pil kina, nan sangaik mangkuih saat itu. Lainlo pangalaman batapa di Amamapare, Papua. Sabalun pai kakian mako dalam buku patunjuak harus mamakan pil anti malaria, dan salamo disinan harus mamakan pil anti malaria sacaro rutin. Kalau lai mangikuik patunjuakko, iyo lai indak disingguang dek Malaria awak doh. Lainlo urang Papua tu maindaan gigikan nyamuak nan amamtikan itu. Saluruh kulikno, dek umuno urang laki-laki disitu hanyo pakai sarawak pendek, dilumuri jo minyak babi. Iyo sabana bakilek kuliktu dibuekno. Itam bakilek. Wass. WW Darul ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Sent: Sunday, January 30, 2005 9:10 AM Subject: [EMAIL PROTECTED] Tak ada yang benar2 ampuh dan aman; Kulambu > Angku Darul jo Rangkayo Rahima, > > Kalau Mak Ngah pulang ka Indonesia, kama saja pai dalam tas Mak Ngah lah > tasadio kulambu. Apokoh pajalanan tu lokal (dari Bukittinggi ka Padang) > ataupun agak jauah ka Jawa jo Bali. Bahkan ka patangko ka Myanmar, Mak Ngah > siap jo Kulambu juo. Mak Ngah indak lupo jo kulambu buatan sandiri tu. > Walaupun ado kulambu pribadi sudah nan dijua urang di sport store, namun ............................................................................ ................................................ > > Salam, > -- Mak Ngah ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
