Waalaikumussalam, ww Ahaa ..., Pak Fekry dan sanak Adyan !, lamak carito nampaknyoah !, carito guru manggaleh buku ! (maaf bagi bapak/ibuk guru yang belum mengerti bahasa minang, izinkan kami berciloteh dalam bahasa minang, mudah-mudahan bapak/ibuk guru atau netter yang peduli terhadap pendidikan di millist kita ini dapat menjadi penambah wawasan bahasanya).
Sajak dulu ikolah dilemanyo di sekolah antaro politik nan ujung-ujungnyo duit. Halko memang sangat lumrah bana tajadi di dalam soal bisnis atau soal jua-manjua barang atau dalam konteks ko manjua buku, sipenerbit atau sipenulis balomba-lomba untuk mampromosikan buku nan diterbitkannyo, dan basigageh mamintak rekomendasi kapado panjabaik bahwasonyo buku nan inyo cetak atau nan inyo tabikkan mandapek rekomendasi dan sasuai bana jo kurikulum baitu kecek rekomendasi dari pajabat tertententu di dinas pendidikan, jadi pak Fekry !, indak kaniang guru nan ditokokdoh tapi memang kaniang pajabaik nan maagiah rekomendasi ko nan kadilapok jo katupek bangkulu, he hee heee...baa kito lapok !, lai indak tali aki awaklo nan kadicabuiknyo ? Kalau awak pikia dek karano penulih dan penerbit dianjurkan menerbitkan buku, dan juo guru malah dianjurkan untuk banyak-banyak manulih buku dan marupokan panilaian untuk bagi mereka untuak naik pangkat (kredit point), tantu dengan sandirinyo dalam pamasaran terjadi persaingan, dan bamacam-macam caro nan di tampuah dek penulis atau penerbitnyo, ado lewat janji bunus kapado pajabaik dan guru, ado lewat surek sakti (rekomendasi dari pajabat tatantu) sahinggo guru/kapalo sikola takuik. Tampaknyo iko adolah persoalan persaingan dalam pemasaran buku ! Nah.., kalau manuruik ambo, di-siko-lah pamerentah bijaksana mampatimbangkan jan sarupo mambalah batuang, ciek dipijak-an, nan ciek lai diangkek. Makasuiknyo urang tuo murik indak taniayo atau tababni dan sipenulih, baik guru, dosen dan pakar pendidikan lainnyo, dapek pulo bersaing dalam penulisan buku, buku nan maa, buku nan tarancak dan memang-memang dapek mencerdaskan anak bangsa. iko akan terseleksi sandirinyo oleh pasar atau pemakai atau sikola nantinyo. Jadi indak ado jalan lain doh bagi pamerintah, berilah semangat pado sipenulis untuk menulis dan penerbit untuk menerbitkan bukunyo, seleksilah oleh si pemakai atau oleh sekolah atau guru yang bersangkutan buku nan maa nan dipakai asal lai indak kamanyimpang dari kebijakan kurikulum nan alah ditetapkan. Dan dipihak lain atau urang tuo indak tababani pulo untuk mambalinyo, baa caronyo satiok macam buku-buku nan ditulih dan nan ditabikkan oleh penerbitko ado diseluruh pustaka sekolah. Jadi pamerentah dalam hal ko harus memperhatikan sarana-prasarana sekolah tarutamo buku-buku dan peralatan laboratorium harus dilangkok-i tanpa mambabani orang tua murid, di negara lain sekolah gratis !, andaknyo di negara wakko indak mambaie doh !, tapi manyumbang juo saketek sabagai uang pembanguan, he.. hee. hee .. , cukuik iko sajolah nan dipikiakan oleh urang tuo murid, kalau ka indak ka gratis. Mungkin nampaknyo ikolah jalan nan tabaik. Sadiokan satiok jenis buku disatiok sakola dengan perbandingan 1 orang murid 1 buah buku. Baa.. bupati atau walikota ! lai kasanggup mamikiakan ko ? Marilah kito dari kini jan disalahkan juo guru disekolah, alah banyak cobaan deknyo, alah gaji ketek, anak e.. se.. sakik pulo kapalonyo mamikie-an. Indak naik mutu pandidikan, guru juo nan disalahkan. hee heee heee, antalah ambo iyo guru pulo dulunyo, tapi lai indak sato manjua buku doh ! Wassalam, Zulfikri ----- Original Message ----- From: "Fekrynur" <[EMAIL PROTECTED]> To: <[EMAIL PROTECTED]> Sent: Thursday, February 03, 2005 12:01 AM Subject: RE: [pakguruonline] Re: [EMAIL PROTECTED] Kebijakan Buku Pelajaran Lima Tahunan > > Assalamu'alaikum, w.w. > > Sato pulo ambo ciek tantang buku cetak untuak anak sikola-ko Pak Zul jo > Sanak Adyan. > Ambo paham ba-a dek Sanak Adyan jo kawan lain risau soal buku palajaran > paja awak batuka tiok tahun. Ambo cameh dek anak ambo ampek sadang sakola, > kamanakan ambo ciek SD Inpres banyak-nyo; sadang paralu buku sadonyo tumah. > Pak Zul cameh dek karano aturan buku hanyo buliah dituka sasudah limo tahun > pakai. Aturan iko bisa mambuek urang awak nan indak biaso manulih manjadi > sanang bana indak manulih. Kan-na manulih urang balanjo buku sakali limo > tahun-nyoh! > > Manuruik ambo ado duo panyakik awak salamoko di sakola, nan takaik jo soal > buku baraja paja-paja awakko. > Partamo, guru lah tarayu dek rang manggaleh buku. Dek karano ado tawaran > diskon arago nan manggiurkan dari penerbit nan babeda dari penerbit buku > tahun lalu, walau buku indak jauah babeda isinyo disuruah pulo anak mambali > bukuko lewat gurunyo. Alasan pembenarannyo bisa macam-macam; " > Latihan-latihan awak diambiak dari buku iko. Nan paralu dek Ibuk, kalian > punyo buku. Mambali jadih, manyalang silahkan. Mambali dilua aragonyo sakian > kalau ma-ambiak dari Ibuk bisa labiah murah..." > > Panyakik kaduo, kurang pangawasan dari kapalo sikola dan ko-ordinasi dari > Dinas Pendidikan soal 'manggaleh buku di sikola'. Urang paralu pitih > sadonyo-se.Sahinggo indak ado masuak partimbangan urang nan agak bapikia, > sabalun guru lah manyuruah anak-anak mambali (manuka) buku. > Tokok kaniang kawan Pak Zul nan di kantua dinas-tu! ------- dikarek -------------- > Fekrynur St.Palindih, > Jln Seb.Padang Utara I/21A > Padang ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
