Wa`alaikum salam wr wb
HM Dt Marah Bangso, sarato sanak kasado alahe, nan ambo hormati
Buruak bunyi bacah barito, bahaso PATI [Pendatang Tampa Izin] kini dalam dilema
dek karano maso Pengampunan dek Keraja`an Malaysia alah tamaik pado 31Januari
2005 nan lapeh, namun kini memang masih diagiah kelonggaran untuak pulang nan
dinamoan Operasi Nasehat, sia-sia nan indak ado dokumen diri [PATI] diambiak
data-data Ybs, dan dinasehati supayo pulang dalam maso saminggu, seandainyo
indak pulang dalam maso nan alah ditetapkan, akan disenarai hitamkan [indak
buliah lai kaMalaysia]
Ba`a kini ado dunsanak kito nan mangaluah, ....... bak bunyi pantun dibawahko
Ilie padati kabau putiah
Sarek mamuek buah palo
Bao kapasa Bukik Tinggi
Ari nan sadang pkua limo,
Dek bansaik indak bapitih
Disinan bana mangko tabedo
Dicaliak langik sabana tinggi
Jatuah badarai aie mato,
Dek ba.............................?
Salamo tingga dirantau karajo buruh lah dicubo, dan pai manggaleh jo urang alah
pulo, hanyo dapek untuak kaparaluan batigo baranak sajo
Disinan ba........................?
Ba`a kaindak, kapulang pitih indak sabara, tibo dikampuang tantu ka manumpang
pulo di rumah mintuo baliak,
Dicaliak..la.......................?
Dek lah bacampue bansaik jo takuik, raso tapaso badan kapulang pitih nan alun
ado ditangan dek gaji dari induak samang janji kajanji sajo baru,
Jatuah .ba..........................?
Itu lah nan tajadi ma`aga`an kapulang batigo baranak, jo kepeang nan
sayuik-sayuik sampai bansaik kasia ka "Batenggang,
Caritoko ambo dapek dari sanak kito, maso minum kopi pagi dilapau nan dakek jo
tampaik ambo tingga, nan ado dalam pamikirannyo kini iyolah "Kapulang Antah,,
Indak Pulang Bedo"
Allhamdulillah............. Ambo anak baranak lai indak tamasuak nan ilegal
doh, dan baitu juo sanak Ghani dan anak-anak lai ado I/C ]Karatu]
Sakitu kaba dari ambo, mungkin sanak Ghani buliah manambah, sabalun talambek
ambo mohon ma`af ateh kasilapan ambo dalam manulih, maklumlah rang ndak sikola,
Salam
Sidi Arshad [47+] KL
[EMAIL PROTECTED] wrote:
Ass,wr,wb.
Maa nyo Ajo Sidi Arshad jo dunsanak ambo Ghani Usop di KL Malaysia,
sungguhpun dunsanak baduo nan taimbau, wujudnyo adolah sagalo adi dunsanak
nan talingkuang dek palanta nan kito cintoi ko.
Kok bisiak alah kadangaran, kok himbauan alah kalampauan. Satantangan TKI
nan dikaja-kaja dek askar2 di Malaysia, ambo takuik sanak baduo tamasuak
nan dikaja dek askar tersebut.
Kok indak, syukurlah, sebab ambo alah marasokan suasana malam di KL pado
bulan September nan lalu dengan taxi dunsanak Gani basamo jo Sidi Arshad.
Kok dicaliak tayangan di TV, iyo hibo awak mancaliak dunsanak kito nan TKI
di Malaysia tu, ado nan alun dibayie gajinyo dek induak samangnyo bahkan
ado nan indak makan dan lari ka rimbo dek dikaja askar diraja Malaysia.
Dek dunsanak lai ado disitu, cubolah dicaritokan dipalanta ko baa bana
kondisi dunsanak awak tu.
Sagitu sajo dulu dari ambo, sakali lai ambo ucapkan selamat memasuki tahun
baru Islam 1 Muharam 1426 H, semoga dunsanak baduo beserta keluarga lai
sanang2 se disinan. Salam dari keluarga untuk keluarga.
Wassalam,
HM Dt.MB ( 48 th - 45 hari )
---------------------------------
Do you Yahoo!?
Yahoo! Search presents - Jib Jab's 'Second Term'
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
