Assalamu'alaikum wr.wb., Disiko nak iyo lo ambo sato nyiak. Pakaro tondeh ko iyo banyak nan alah dirubah urang di nagari awak di Minangkabau tamasuak di kampuang awak. Rumah nan baru-baru kini alah biaso bakamar mandi jo batondeh di dalam. Balain jo rumah lamo tampek ambo baraja gadang saisuak. Takana juo di ambo batapo musykilno urusan tondehtu katiko itu. Tarutamu kalau dek salah-salah makan, taraso nak ka tondeh tangah malam. Kama kapai? Atau baa kapai di tangah malam kalam piriak tu? Sakali-sakali bana, dek iyo tapaso, kabaa pulo lai, pai juolah ka laman, babao pusuang. Jadi iyo sabana repot.
Sabab di kampuang-kampuang kan tondeh ko iyo bana wc umum, biasono di bulakang tabek musajik, nan didalam tabektu ado ikan rayo, kaluih jo bujayia, nan basarigia-sarigia manampuang dropping anak nagari tu. Salain dari di balakang tabek musajik, hanyo ciek-ciek rumah nan lai pulo punyo tondeh di suduik tabek. Kalau indak ado tabek tapaso pai ka batang ayia. Jadi sabana sulik lah. Tapi kini alhamdulillah alah bakamajuan. Rumah-rumah lai punyo tondeh masiang-masiang. Bahkan rumah-rumah lamo, baiak rumah gadang bagonjoang bana, alah biaso urang mambuek kamar mandi dakek sumua langkok jo tondehno sakali. Iko satangah tapaso bagai sabanano. Sabab musajik-musajik nan direnovasi urang kini, banyak nan manimbuni tabek. Bak kecek ustad Nazir di kampuang awak, tondeh nagaritu lato, maleh wak, jadi bialah di indak-adoan sin lai. Baitu pulo batang ayia bagai, walaupun batang ayia Sikabu awak alah kurang sangaik ayiano kini, mudah-mudahan baransua-ansua barasiah pulo. Indak galinggaman awak lalu di tapi batang ayia tu. Tapi tondeh nan selesa, nan seronok sarato meloyakan mungkin iyo alun lai. Baitu pulo dulu nyiak. Kapado dunsanak sapalanta nan adang adok, maraso paralu pulo ambo manjalehkan saketek nan bahaso ambo jo nyiak Sunguik alias mak Ngah ko sakampuang bana. Jadi ambo pakai bana kato-kato nan usali dari kampuang kami bana sabagian. Wassalamu'alaikum wr.wb., Lembang Alam ----- Original Message ----- From: Sjamsir Sjarif <[EMAIL PROTECTED]> To: Lapau <[email protected]> Sent: Thursday, May 12, 2005 9:54 PM Subject: [EMAIL PROTECTED] Gerakan Seribu Tondeh > Maa Rang Lapau nan Basamo, > > Samantaro Mak Ngah mancaritokan arati Tondeh (Caro Awak) dan Tandas (Bahasa > Melayu, Indonesia) dalam posting sabalun ko, ruponyo banyak urang kuliliang > dunia nan interesan jo soal iko. Barangkali rancak kalau ado urang awak nan > dapek menggelorakan pemikiran pembaharuan partondehan ko. Baa tu Angku > Ambrar di Baruah (Australia). Takana di ambo Angku Abrar lah mamuloi ide ko > untuak diterapkan di kampuang. Rancak sato ka konperensi ko barangkali > untuak mandanga baa langkah-langkah pambaharuan tu. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
