Yth. Mamak Kito Zul Amri sarato Urang Awak;
Ambo sasuai jo Mak Zul Amri, bahaso babarapo pantun nan ado di lagu-lagu kito, baiak lagu lamo maupun lagu baru, banyak nan "kurang rasional" atau "kurang masuak di aka".
Dulu ambo pernah mamposting mengenai lagu "Kasiah Tak Sampai" nan didendangkan dek uni kito Elly Kasim.
Dalam syairnyo, Uni Elly malantunkan bahaso, dek yobana baitu dalamnyo kasiah ka uda, mangko kutiko datang malaikat batanyo di alam barzakh, nan takana adolah kasiah nan indak sampai. Dalam bahaso urang kini, malaikaik tu 'dicuekin aja'.
Dikaji sacaro aka maupun sacaro agamo, lagu ko alah tamasuak bid'ah gadang. Namun indak ado nan mananggapi email ambo wakatu tu. Lai ndak ado pulo sampai mamanciang protes dari buya-buya, ulama, sarato cadiak pandai kito.
Dulu, nan sempat naiak ka permukaan adolah masalah lagu "La ila La Kutang Barendo."
Dunia pantun bapantun memang sarat jo kiasan, Mak Zul Amri.
Jadi, ambo raso, masalah gunuang nan "baintaian" tu cumalah kiasan sajo, nan dimungkasuk tantu indak gunuang. Baitu pulo masalah "karam di lautan tu". Dari kasado pantun-pantun nan ado tu, mangko persoalan ndak asak-asak dari kisah kasih atau cinta kecek rang kini antaro laki-laki jo padusi.
Jikok kito pinteh pulo jalannyo, mangko kebanyakan pantun tu adolah rayu-rayuan untuak urang nan 'diintai', supayo namuah jo awak. Iyobaitu sabalun bajadi, Mak Zul Amri.
Sasudah baiyobana, alah sasuai mamak jo mamak, alah datang angku kali, alah tajadi ijab kabua, mangko pantun bapantun abih pulo masonyo. Lamo jo lambek, ndak bapantun nan takana lai, tapi UFO alias piriang nan tabang-tabang.
Ndak jarang pulo, pacah kongsi akhianyo.
Baitu sajo tanggapan dari ambo Mak Zul Amri, dek karano pasan takirim ka duo palanta (Urangawak sarato Rantaunet) mangko jawek babaleh ka kaduonyo pulo.
Wassalam, Wady Afriadi (30 th)
Parung, Bogor 16330 0811 920 925
At 09:38 AM 2/9/2005, you wrote:
Assalamualaikum wr.wb :
Sanak dipalanta yang ambo hormati .
Mamparatikan babarapo pantun minang yang disampaikan didalam lagu atau dendang sapartinya ado nan kurang masuak diaka atau irrasional , hanyo palamak lagu atau dendang sajo dan cubo simak pantun barikuik nan didendangkan dek Syawir Sutan Mudo dan Nur Asni :
Manih tabunyo rang Piaman Dikilang manjalang tangah hari Aka dijelo alang alang Daun bajalan patah Patah deh ribuik pagi ari Nan maa patah jatuah juo
Taisak gunuang Pasaman Dicinto gunuang Marapi Manangih gunuang Singgalang Tatagun aiea di lurah Kasiah nan indak amuah abi Antah dimano talataknyo ....?
Wah ..wah bisa gawat kalau gunuang Marapi jo Pasaman lah baintaian dan main mato mambuek cimburu gunuang Singgalang , sampai aiea dilambah lah tatagun , bisa bisa macet PLTA Maninajua jo PLTA Agam , bisa kakalam abiah Sumatera Barat .
Mungkin sanak Wadi nan ahli bansi bisa maagaiah tahu mukasuik pantun tasabuik diateh .
Nak duo pantun sairiang ambo tambahi ciek lai :
Jatuahlah rantiang limau puruik Jatuah dilendo kambiang hutan Hari nan sadang tangah hari Denai balayia pantang suruik Bialah karam dilautan Antah kok kanduang takuik mati .
Kalau ini namanya bonek ( bondo nekat ) mambao sansai . kalau balayie harus punyo paretongan dong ....bukan hanyo main hantam karomo sajo , lah jaleh ado badai jo tsunami masak ka taruih juo balayie kan mesti no baliak kapangkalan . Sebagai mano dalam penerbangan mesti ado flight plan ( rencana penerbangan ) dan alternate bandara kalau bandara tujuan indak bisa didarati karano cuaca buruak seharusnyo didunia maritim atau palayaran baitu juo , tantunyo Mak Darul nan Mantan Nangkodoh labiah tahu .
Ambo mohon maaf karano iko hanyo intermezo sajo dihari libur , untuak parami ramian lapau dan sakalian manuruikan saran Mamak kito Bandaro Putiah , kalau mamposting harus nan bakaitan jo Minangkabau walau masih bisa dipadebatkan nan bakaitan jo Minang tu apo sabananyo .
Wassalam : zul amry piliang di jimbaran bali
From: <[EMAIL PROTECTED]> Date: Mon Jan 31, 2005 1:04 pm Subject: [EMAIL PROTECTED] Minang & Sumbar (Re: palanta Digest, Vol 32, Issue 2)
Kpd dunsanak nan lah maposting mengenai hal-hal mengenai Minangkabau atawa Sumbar, tarimokasi. Seeloknyalah Rantaunet, kito pagunokan untuak nan bahubungan / specifik jo Minang atawa Sumbar.
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
