Asalamu'alaikum.w.w. Alaaah, da Sjamsir ... Co iko nyiak, makngah... di kami di Padang dulu,... colok nan acok tasabuik adolah rono, warna. Sarawa putiah bisa dicolok jadi biru atau ijau. Dek karano di bahan nyo tu tatulih wantex,... aaa lah jadi wantek pulo isitilah tu. Sudah tu nan biaso pulo di danga, adolah urang pai mancolok ka tangah lauik. Biaso dari tapi lauik muaro lasak (apa basi), atau pasia benteng (pasia dama), pasia parak karambia, atau puruih ateh jo lolong. Urang pai mancolok aratinyo urang mancari lauak jo bagan atau sampan gadang bacadiak. Lampu nyo tu disabuik juo lampu colok. Baitu Nyiak, di kami di padang jo piaman. Wassalam St. Sinaro
Sjamsir Sjarif <[EMAIL PROTECTED]> wrote: Angku Z.Chaniago, Ooh iyo, "colok", "pusuang", "suluah", katigonyo iyo samo aratinyo jo "obor" Caro Indonesia, dengan variasi pamakaian di daerah dan ado nan mampunyoi arati lain, labiah dari ciek, saroman kaji kito jo "pusuang" cako. Takana di ambo kalau di Ampek Angkek, urang-urang mudo pai mancari baluik malam hari ka sawah-sawah memang mambawo "suluah" tu. Verbanyo "manyuluah" aratinyo pai mancari baluik mambawo suluah. Rasonyo MakNgah danga juo kadang-kadang mareka mangecekan "pai mancolok". Jadi samo arati pamakaiannyo jo nan di Maninjau tu tampaknyo. Tapi colok, atau suluah untuak mancari baluik tu dari karet bakeh roda bendi. Lamaknyo macolok tu mareka malakak baluik sajo nan maa nan tampak, jadi banyak dapek. Kalau siang hari, mareka paralu mancari liang baluik dulu, di sawah nan balunau, sudah tu dioyak-oyak. Dengan keahlian seninyo tukang oyak baluik ko iyo dipuji dek kawan-kawan. Ambo indak panah mandapek baluik doh walaupun lah diaja dek mareka-mareka tu baa caronyo maoyak-oyak liang baluaik tu. Barek seninyo. Patuiklah ado lo nyanyi saisuak nan banamo "Oyak-oyak Baluik". Lupo ambo pantunnyo. Arati kaduo dari "colok" iyolah nan biasonyo tadanga, samo jo "warna" Caro Indonesianyo, atau "rono" Caro Awaknyo. Jadi verba "mancolok" tu saroman mancolok kain, iyo maagiah warno kain, biasonyo jo colok hitam, saroman mancolok sarawa punco urang kasawah nan mulonyo putiah dari kain marekan, atau balacu, dicolok manjadi itam. Nah colok nan indak luntur, disabuik "mati coloknyo" saroman di Sungai Pua dahulu nan tamusahua mati coloknyo tu "Colok Galuang" (Galuang adolah salah satu jorong di Sungai Pua). Tapi ado lo arati kiasannyo dalam ungkapan lain, "padam colok" atau "lah padam coloknyo" diibaratkan ka urang nan jatuah musikin. Mungkin caro kini "lah jatuah daun" nan balawanan jo "jatuah asok", naiak gensi. Sakitulah dulu. Salam, __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
