Dikabek Jariang. Mancaliak kawan nan dikabek jariang ko iyo agak ibo awak dinyo. Pado suatu hari inyo marengek-rengek kasakitan, bahkan kadang-kadang sampai marauang-rauang sahari tu saroman urang gilo. Anak mudo, 19 tahun, gagah, pagarah, pintar, disanangi kawan-kawan. Inyo mahasiswa Fakultas Hukum Unand tahun partamu. Namonyo Mansur Shah, Urang Tapi Selo, Lintau. Antah dimaa inyo kini indak tahu Mak Ngah. Kok ado nan mandanga namo ko, mungkin di Jakarta tolong bari tahu Mak Ngah. Mudaha-mudahan panjang umuanyo basuo juo jo Mak Ngah. Kajadian Desember 1958. Umuanyo kini tantu awal 1960an. Namo asli, carito bana. Lokasi di Rimbo Gadang. Saksi, antaro lain, Mak Ngah.
Dek bangkik gilonyo dibaenyo batilanjang. Lari-lari bolak baliak dari pondok nan ciek ka pondok nan ciek, antaro duo pondok kami nan talatak disubarang batang aia nan barasiah di tangah Rimbo Gadang tu. Diantaro lari-lari dari subarang Batang Aia tu, inyo barandam diri di batang aia tu, marengek-rengek, marauang-rauang, rasonyo sampai bacaruik-caruik surang bagai, maimbau "namo" amakyo tu bana. Ibo awak. Buang aia ketek indak namuah kalua, buang aia gadang baitu pulo. Tapi cuma sahari tu, bisuaknyo lah elok galaknyoa baliak. Rasonyo kami nasehatkan inyo banyak minun aia angek barasiah, indak pakai teh atau kopi bagai doh, supayo buah pinggangnyo tacuci. Mungkin banyak minun aia angek tu nanjadi ubek mujarab. Ubek sederhana kan?
Ruponyo samalam sabalun tu, inyo malapehkan salero makan jariang, sabana banyak. Jariang tu didapekinyo di rimbo sakitar pondok kami, dibawonyo pulang ka pondok. Dimasak basamo, galak-galak. Karano inyo nan mambawo pulang ruponyo inyo nan dapek jatah banyak, kawan-kawan nan lain baralah, babaso saketek, maagiak kasampatan ka inyo, sabagai tarimo kasih jariah payahnyo mambawo jariang ko pulang.
Dikabek Patai? Alun ado lai. Bahkan suatu hari ado hujan angin badai gadang. Ado batang patai tinggi gadang rindang jo buahnyo rabah runtuah dakek pondok kami. Lai agak sapakan kami mangamehi buah patai tu, disimpan di pondok. Iyo bana sagudang banyakanyao patai tu. Buliah dikatokan kami lalok jo patai tu. Labiah sabulan masih ado juo lai. Dimakan matah, diabuih, dipangangang, inceknyo, kuliknyo. kacuali bak kecek MakNgah dalam postiang sabalunnyo, batang jo uraeknyo sajo nan indak kami makan doh. Insyaallah indak ado kami nan sakik doh. Malahan, kami sehat-sehat sadonyo. Mungkinkami sehat karano banyak kasihat patai ko nan baru samo-samo kito kaji dalam postiang sabalunnyo.
Sakaitulah dahulu.
Salam, Mak Ngah
37133
From: <[EMAIL PROTECTED]> Date: Wed Feb 16, 2005 4:42am Subject: RE: [EMAIL PROTECTED] Patai Milk Shake; Rahima
Assalamualaikum Wr. Wb., Lucu juo untuak mahilangkan kaduo bau2 ko, tapi talalu banyak takuik awak beko batambah bedo, karano acok ambo danga urang dikabek patai atau jariang alias karacunan barangkali.
Dulu kami mahilangkan bau kaduo makanan yg paliang lamak ko jo makan/bagatok bareh, sangek ampuah untuak kaduaonyo.
Di Jkt/salain sumbar kalau ado urang manjua karupuak jariang pasti laku, indak pernah ambo caliak disiko do.
Wass, syb.
-----Original Message----- From: ST. Tumamaik [mailto:[EMAIL PROTECTED] Sent: 15 February 2005 10:45 To: Palanta RantauNet Subject: RE: [EMAIL PROTECTED] Patai Milk Shake; Rahima
Tuan-tuan pancandu patai jo jariang. Caro praktis mailanggan baun jarian gampang sangai yatiu "Makan patai agak duo papan" baitu pulo mailanggan baun patai, "Makan jariang agak samangkuak" jadi alah hilang baun nan di pasintangkagan di tampaik tidua. jadi indak ado induak bareh nan ka berang.
No virus found in this outgoing message. Checked by AVG Anti-Virus. Version: 7.0.300 / Virus Database: 265.8.7 - Release Date: 2/10/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
