Assalamu'alaikum wr.wb., Untuak maulang-ulang kaji lamo, jo alaik-alaik panarangan jaman saisuak. Alah awak sabuik pusuang, suluah, colok, nan aratino obor dalam bahaso Indonesia.
Ado pulo lantera mungkin lentera juo dalam bahaso Indonesia. Lampu minyak tanah nan dilatak-an dalam kotak kaleang ba agiah kaco ka ciek arah. Lantera ko biasono dipakai pulo di bendi untuak sakadar ka tando ado bendi kalau di malam hari. Ado pulo lampu togok, lampu nan badanno dibuek dari kaleng atau boto ketek untuak tampek minyak tanah, diagiah basumbu kain nan dililik jo kaleng, indak pakai kaco simporong. Lampu togok ko di kampuang ambo kadang-kadang disabuik urang 'tampaik api'. Kalau di kampuang bako ambo disabuik urang kadang-kadang dama, kadang-kadang lampu cegek. Padohal dama ado pulo aratino nan lain (buah dama). Tampaik api atau togok ko biasono untuak lampu ka lalok. Mampaketekno baeloan sumbuno saketek kabawah. Kalau indak di paketek apino biasono timbua 'gajalo', asok itam. Pagi-pagi biasono alah itam-itam cik-iduang dek taisok gajalo dari tampaik api. Agak sandereh saketek pado itu lampu dindiang atau lampu basimporong kami sabuik. Wadah minyakno umumno dari kaco, tapi ado juo nan dari kaleang. Pakai simporong dari kaco untuak malindungi api dari angin. Ado alaik (roda bulek) untuak mampaketek jo mampagadang api. Iko biasono lampu ka untuak panarangan katiko baraja malam di kami saisuak. Tarangno mungkin indak sampai limo watt agakno doh. Kalau lah ka lalok lampu ko bamatian. Baimaik. Lampu strongkeng, iko lampu nan iduikno sakali samusim. Katiko urang baralek. Merekno Petromax, masih banyak dipakai tukang sate Padang di Jakarta bagai sampai kini. Tolonglah tambah kok lai nan lain nan indak takana di ambo. Wassalamu'alaikum wr.wb., Lembang Alam . ----- Original Message ----- From: Sutan Sinaro <[EMAIL PROTECTED]> To: Palanta RantauNet <palanta@minang.rantaunet.org> Sent: Wednesday, February 16, 2005 9:17 AM Subject: Re: [EMAIL PROTECTED] Istilah Minang > Asalamu'alaikum.w.w. > > Alaaah, da Sjamsir ... > Co iko nyiak, makngah... di kami di Padang dulu,... colok nan acok tasabuik > adolah rono, warna. Sarawa putiah bisa dicolok jadi biru atau ijau. > Dek karano di bahan nyo tu tatulih wantex,... aaa lah jadi wantek pulo > isitilah tu. > Sudah tu nan biaso pulo di danga, adolah urang pai mancolok > ka tangah lauik. Biaso dari tapi lauik muaro lasak (apa basi), > atau pasia benteng (pasia dama), pasia parak karambia, > atau puruih ateh jo lolong. Urang pai mancolok aratinyo urang mancari lauak > jo bagan atau sampan gadang bacadiak. Lampu nyo tu disabuik juo > lampu colok. > Baitu Nyiak, di kami di padang jo piaman. > > Wassalam > > St. Sinaro ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________