Assalamualaikum wr. wb. Alah cukuik lamo rasonyo kito taruih bacarito pendidikan. Ado saketek nan ta ingek dek Ambo. Salamo ko ide ide pendidikan nan tun, alun ado nan manyingguang masalah pendidikan anak. Manuruik Ambo pribadi, pendidikan anak itu lah nan paling paralu. Sagalo macam palajaran sangkek di surau maso sabalun akil balig. Itulah nan paling jaleh mambakeh dalam diri Ambo. Hal-hal saroman itulah nan manyabab-an Ambo jo Kawan-Kawan 'saroman', bisa sairiang sajalan walaupun indak sa mato pancarian.
Samaso kini Ambo caliak, banyak nan barubah di nan mudo-mudo. Etika, Moral, 'taratik', indak samo jo saisuak lai doh. Mungkin karano 'adiak-adiak' tu indak ado nan mandapek palajaran dari Ustad Labiah jo Buya Bustamam sarupo maso Ambo baraja di Surau rang Sikumbang, Campago Ipuah, Kurai, dahulu. Ambo caliak pulo, banyak nan mudo-mudo ko 'gagok' pabilo ditanyo; "Aa cito-cito wa-ang?" Samaso Ambo dahulu, indak ado nan idak 'tau' cito-cito nyo surang doh. Ado nan ka 'mangaleh', 'supir bemo', 'sikola tinggi', 'jadi tantara', 'jadi guru', 'sikola ka mesir', dst...dst... Mungkin Dek samaso 'balita' kini tu, indak ado padoman nan mereka dapek doh. Urang-urang tuo indak saroman daulu lai. Indak saroman jo caro urang gaek Ambo ma-aja-i anak. (Walau kadang-kadang jo lidih atau rotan). Mungkin pendidikan anak itu nan paliang paralu di paelok-i Sakitu se dulu curito Ambo ka Palanta. Ta-iriang ampun jo maaf ka nan tuo-tuo, pasan jo kaba baiak ka nan mudo-mudo. Wassalam, BRM ETHS Chatib Sati. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
