Assalamualaikum Wr. Wb., Tarimo kasih Mak Ngah ateh respond nyo, jadi ingek lo awak kalau minum kopi ko iyo acok ka ujian, dari satalah Isya sampai subuah iyo lai tarang se incek mato, apolai kato kawan kalau kopi ko baagiah garam saketek, subuah kaateh baru mangantuak bisuak pagi pas ujian yang dihapa tadi malam iyo alah hilang senyo, he he.
Juo sabalun ujian kadang kawan2 yang bagadang tadi malam tu acok bacakak dulu, karano tadi malam tu memang iyo asyik maapa sambia makan ayam panggang, karano indak ado minyak goreng, pagi tu ado kaba bahaso ayam samalam tu adolah ayam tuan rumah yang baambiak diam2, ruponyo karajo yang indak elok tu dikarajoan dek alah tapaso karano paruik litak, kalau bamintak elok2 pasti kanai berang dek ranggaek karano itu ayam untuak kaditaranakkan, itu alasan kawan yang maambiak tu. Di kadai kopi (Amrik) mungkin indak salamak di kampuang yo Mak, yang bisa sambia marokok, batagak kaki, sambia maelo goreng pisang rajo dan bacarito lamak sampai matoari tagak, kadang2 juo tega2nyo bautang dulu. Untuak kaba khasiat jariang jo patai bialah ambo cubo juo mamonitornyo, syukur2 ado panalitian dari urang2 dunia ko. Tapi sabalun itu apo bahaso inggirihnyo jariang jo patai ko mak, karano indak sempat lai mancaliak kamuih lai do. Sakian, wass, Syb. -----Original Message----- From: Sjamsir Sjarif [mailto:[EMAIL PROTECTED] Sent: 20 February 2005 12:28 To: Lapau Subject: [EMAIL PROTECTED] Dikabek Kopi ??? Maa Angku Syahril sarato Rang Lapau nan Basamo, Mak Ngah iyo baru tahu pulo dan mambaco di sumber nan samo. Sacaro paribadi, Mak Ngah iyo suko kopi ko lah lamo bana. Indak pancandu indak adiktif, tapi memang lah katuju sajak buliah dikatoan ketek, masih dikalas duo SMP. Jadi sajak baumua 14-15 tahun lah baraja minum kopi di kampuang labiah-labiah wakatu ka ujian supayo jan lakeh lalok taruih baraja agak laruik. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
