Wa'alaikum salam ww, Mak Zul, kalo di kampuang awak ubeknyo kanai kataguaan ko mak nan paratamo adolah mato kunyik. Mato kunyik ko di balah duo sudah tu di desoan saketek, sasudah didesoan lalu di timbang sambia manjatuahan ka lantai. Sudah dicaliak nama nan tabaliak, nan tabaliak tu dipatahan. Kunyik nan dipatahan cakolah nan dikunyak jo bareh 7 butia sudah tu diluahan ka ikua tadah. Kunyik nan sabalah lai di pakai untuak panggosok an kunyik nan dikunyak cako ka kaniang, tiok paruwehan tangan jo kaki sarato kuku. Caro ma manggosoknyo iolah dari suok ka kida sudah tu di silang saroman tando tambah arah bawah ka ateh kaniang. Kalo di paruwehan jo di kuku arah suok ka kida juo tapi silangnyo dari ateh ka bawah. Kalo sakiro kunyik nan ditimbang paratamo cako ndak ado nan tabaliak mako diulang sampai tigo kali. Kalo ndak juo ado nan tabaliak mako kaduo kunyik ko dilongkahi sakali ka suok sakali ka kida. Insya Allah biasonyo lai mangkuih tu mak. Sakiro panukuak carito mamak sen yo mak...
wassalam -----Original Message----- From: [EMAIL PROTECTED] [mailto:[EMAIL PROTECTED] On Behalf Of zul amri Sent: Monday, February 21, 2005 7:45 PM To: [email protected] Subject: [EMAIL PROTECTED] "Kataguran" Assalamualaikum wr.wb : ...... kanai tagua atau sapo dek dubilih ( makhluk halus ) . Gejala nyo adolah mandadak sajo damam dan suhu badan tinggi dan acok mangigau....... ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
