Assalamu'alaikum ww.
Mamak-mamak jo adi dunsanak sagalo nan ado di palanta.
Maaf ambo pintak kalo bagian nan I, tulisan amboko
banyak nan salah ketik. Maklum ambo manulihno di lapau
maya, nan keyboardno banyak lo nan baulah.
Adopun tantang Gajah manangih, caritoko ambo dapek
dari salah seorang urng awak nan jadi dosen di UPI
Bandung (Alm), dalam suatu pelatihan nan disampaikan
di IKIP Padang (Universitas Negeri Padang)
Baikolah caritono, labiah kurang.
Suatu kali anak rajo di Thailand sakik kareh. Alah
dicari ubek sakaliliang nagari, indak ado basobok.
Akiano, katiko ado paranormal di sinan mangecek an
bahaso anak rajo ko bisa siaik kalo mancaliak Gajah
manangih, tagalak jo tamanuang.
Untuak itu dibaok anlah sakalian carito nan maibo,
dibaco dan dipacaliakan ka gajah, sampai sampai jo
film-film India nan sadiah-sadiahpun alah diputa, tapi
gajahko tanang-tanang se no.
Lalu di undang lah parnormal dari Indonesia, katiko
ditanyo ka baliau lai ko mungkin mambuek gajah
managih, tagalak jo tamanuang ko. Katiko baliau
diminta maubek, baliau mangecek an, ubekno sederhana
no, tapi ijinkan ambo mambisiak an katalingo gajah tu.
Lalu dibisiakknlah katalingo gajah.
1. Gajah, lai tau ndak, gaji guru di Indonesia itu
banyak nan labiah ketek dari UMR (Upah Minimum
Terendah) - (Gajah tacangang ...)
2. Gajah, di Indonesia, sudahlah gaji guru itu ketek,
banyklo potonganno. Untuak iuran, ikolah,.... untuak
itulah, .... (Mulo Agak sabak mato Gajah ....)
3. Gajah, sudahlah gaji ketek, dipotong, nah ... sudah
itu guru-guru itu dikekang lo lai. Harus maaja mabuek
SP, buek soal, pareso ujian surang, sampai-sampai kalo
ka maurus pangkaikno, guru-guru tu haruslo karajo
surang ..... (Mulailah aia mato manitiak disuduik mato
Gajah)
4. Gajah, namun guru-guru di Indonesia bangga
disabuik "pahlawan tanpa tanda jasa" ......
(Balinang-linanglah aia mato gajah, taduduak
taisak-isak)
Mancaliak ko anak rajo mulai baranjak ka duduak, alah
baransua sakik malah kirono.
Ndak lamo antarono, dibisiak an pulo ka gajah.
5. Gajah, Alhamdulillah, walaupun bantuak itu Jah,
guru-guru itu banyak juo nan ikhlas karajono. Karano
yakin, kalo mereka mati isuak, pahalono masih tatap
mangalir kapado baliau. Dek mereka maajakan ilmu nan
bermanfaat. Dek mereka yakin, bahaso "Apabilo mati
anak Adam, mako taputuihlah sakalian amalno, kecuali
tigo parkaro, diantarono Ilimu nan bermanfaat nan
pernah diajarkan". (Gajah tadiam, kapalono
mangguak-angguak - lah ilang raso taibo nampakno).
6. Gajah, ado nan mangembirakan Jah, ambo caliak
banyak ank-anak guru itu katiko sikola manjadi
anak-anak nan juara, baiak dari tingkek Dasar sampai
Pendidikan Tinggi. (Gajah maanguk-angguak maangkek
bilalino, sambia basuaro gembira - tagalak) (mancaliak
ko anak rajo ko alah bisa duduak.
7. Terakhir, paranormal dari Indonesia ko mambisiakan
katalingo gajah. Gajah, walaupun banyak anak-anak
guru itu nan katiko gadang manjadi urang-urang nan
cadiak, ba ilimu, tapi ........... indak bara nan
baminaik manjadi guru sarupa urang tuono. (Baranti,
Gajah basuaro, tatagun lalu tamanuang. Samantaro anak
rajo alah sehat balari kadakek urang tuono)
Mamak-mamak jo dunsanak di Palanta, iko realitas
sebagian kondisi awak.
Semoga ada hikmah yang bisa kita petik.
(Disadur secara bebas dari ceramah Alm. Bapak Akhril
Agus, Dosen Kimia UPI, alumni IKIP Padang tahun ....)
A. St. Rky. Mulia (38,5)
Bogor
__________________________________
Do you Yahoo!?
Yahoo! Mail - Easier than ever with enhanced search. Learn more.
http://info.mail.yahoo.com/mail_250
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
