34 Undang-Undang
Undang-undang sambilan pucuak Partamo undang-undang nan tunduak kapado rajo Kaduo undang-undang nan tunduak pado panghulu Katigo undang-undang nan takluak pado alam Kaampek undang-undang aturan caro bapakaian Kalimo undang-undang aturan dalam pamainan Kaanam undang-undang nan takluak pado bunyi-bunyian Katujuah undang-undang nan takluak pado karamaien Kasalapan undang-undang nan takluak pado hukum alam Kasambilan undang-undang nan takluak pado kabasaran alam Undang-undang nan takluak kapado rajo, tambo, namonyo Undang-undang nan takluak pado panghulu, adaik limbago namonyo Undang-undang nan takluak pado nan mudo-mudo, pakaian jo pamainan namonyo Undang-undang nan takluak pado manyalasaikan isi alam, cupak gantang namonyo Undang-undang nan takluak pado parampuan, cupak nan indak buliah luhak, gantang nan indak buliah panuah namonyo Undang-undang nan takluak pado rumah tanggo, bajanjang naiak batanggo turun namonyo Undang-undang nan takluak pado tukang, barih balabeh, pahek baliuang namonyo Undang-undang nan takluak pado hulubalang, manjarah-manjaruah namonyo Undang-undang nan takluak pado sudaga bungka nan piawai, taraju indak bagatok namonyo Undang-undang nan ampek Partamo undang-undang sagalo panghulu Kaduo undang-undang urang tuo dalam nagari Katigo undang-undang hulubalang dalam nagari Kaampek undang-undang luhak, pakaian sagalo panghulu atau Rajo Alam Undang-undang sagalo panghulu Panghulu iyolah warih jo kalipah Rajo Alam di Pagaruyuang Warih jo kalipah Parpatiah nan Sabatang, baduo jo Datuak Katumangguangan Mamacik parentah dari nagari ka nagari, dari lareh ka lareh Sangkutan nan indak sakah, tali nan indak putuih Lantak jo kunci Lareh Budi Caniago jo Lareh Koto Piliang Nan mandirikan balai untuak mandirikan adaik nan kawi Mangatahui cupak jo gantang pusako alam iyolah pusako sagalo panghulu nan ditarimonyo dari Rajo Alam dari Datuak Katumangguangan baduo jo Datuak Parpatiah nan Sabatang Ampek bantuak Undang-undang Partamo undang-undang nagari Kaduo undang-undang urang dalam nagari Katigo undang-undang luhak Kaampek undang-undang nan duo puluah Undang-undang nagari Nagari bapaga undang Kampuang bapaga pusako Basasok bajarami Bapandan bapakubuaran Balabuah batapian Barumah batanggo Bakoroang bakampuang Basawah baladang Babalai bamusajik Baparik rantang Anak gadih mangarek kuku Pangarek pisau sirauik Dikarek batuang tuonyo Batuang tuo ambiak ka lantai Nagari bakaampek suku Dalam suku babuah paruik Kampuang ado tuonyo Rumah ado batunganai Ketek balingkuang tanah Gadang balingkuang aue Nan badusun bataratak Nan bakoto banagari Kampuang nan batumpuak Suku nan bajoroang Undang-undang nagari ampek bagian Partamo taratak Kaduo dusun Katigo koto Kaampek nagari Undang-undang urang dalam nagari Salah cancang mamampeh Salah bunuah mandiaik Salah cotok bakuduang paruah Salah lulue babalah paruik Salah makan mamuntahkan Salah tariak mangumbalikan Sasek suruik talangkah kumbali Salah pado Allah tobaik Salah pado manusia mintak maaf Gawa maubah, cabuah dibuang Adie dipakai, babatulan babayaran Basalahan bapatutan, gaib bakalamullah Balabeh dikatangahkan, manyalang mamulangkan Utang dibaie, piutang ditarimo Jauah bahambatan, dakek batarikkan Babaso basi bahereang gendeang Alek bapanggie, mati bajirambok Tumbuah disiang, jatuah batengok Barek samo dipikue, ringan samo dijinjiang Di nan elok baimbauan, di nan buruak bahambauan Jikok sakik silau manyilau Jikok mati janguak manjanguak Undang-undang luhak Mancampak tibo kahulu Kanailah pantau dek manjalo Dirampak batang cubadak Dirindang daun ampaleh Talang bambu dipatah-patah Sikujue dalam parahu Luhak nan bapanghulu Rantau nan barajo Tagak nan indak tasundak Malenggang nan indak tapampeh Tabujue lalu tabulintang patah Baitu pamainan sagalo panghulu Luhak nan tigo Partamo luhak Tanah Data Kaduo luhak Agam Katigo luhak Limo Puluah Koto Lareh nan duo Partamo lareh Koto piliang Kaduo lareh Budi Caniago Adaik limbago rajo anam macam Partamo hak daciang Kaduo hak pangaluaran Katigo hak ubue-ubue Kaampek hak gantuang kamudi Kalimo hak ameh manah Kaanam hak tukup bubuang Adaik limbago panghulu Sakalian nego hutan tanah Baiak jirek nan sabatang Baiak rumpuik nan sahalai Baiak batu nan saincek Ka bawahnyo sampai takasiak bulan Ka atehnyo sampai mambubuang jantan Pangkek panghulu punyo ulayaik Ka sawah babungo ampiang Ka rimbo babungo kayu Ka tambang babungo ameh Adaik bungo kayu Adaik takuak kayu Undang-undang nan duo puluah ado duo pambagiannyo Partamo undang-undang nan duo baleh Kaduo undang-undang nan salapan Undang-undang nan duo baleh Partamo anggang lalu atah jatuah Kaduo pulang pai babasah-basah Katigo nan bajalan bagageh-gageh Kaampek kacondoangan mato rang Kalimo dibao ribuik dibao angin Kaanam dibao pikek dibao langau Katujuah tasindoroangjajak manurun Kasalapan tatukiak jajak mandaki Kasambilan bajua bamurah-murah Kasapuluah batimbang jawab ditanyoi Kasabaleh bauriah bak sipasin Kaduo baleh lah bajajak bak bakiak Undang-undang nan salapan (cemo bakaadaan) Partamo dago dagi mambari malu Kaduo sumbang salah laku parangai Katigo samun saka tagak dibateh Kaampek umbuak umbi budi marangkak Kalimo curi maliang taluang dindiang Kaanam tikam bunuah padang badarah Katujuah sia baka sabatang suluah Kasalapan upeh racun batabuang sayak Undang-undang adaik ampek bagian Partamo adaik nan sabana adaik Kaduo adaik nan diadaikkan Katigo adaik nan taradaik Kaampek adaik istiadaik Undang-undang hukum ampek bagian Partamo hukum ilimu Kaduo hukum bainah Katigo hukum kurenah Kaampek hukum ijtihaik ================= Oleh : A.B. Dt. Majo Indo Disadur dari buku "Kato Pusako" ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
