Ass,wr,wb. Takana zaman "Didikan Subuah" ditahun anam puluhan dulu, masih ketek2 di musajik Muhammadiyah Bengkulen.
Ado lagu nan masih taringek syairnyo hinggo kini dek ambo, tapi hanyo baris/bait pertamonyo sajo : Diujung malam, subuh mendatang Membawa kenangan ................. ................................................. Wahai insan ......................... ( siapo nan bisa menyambuangnyo.....???, silahkan, tando lai pernah ikuik Didikan Subuah ) Apo nan disampaikan Mak Ngah itu memang kami rasokan dulu di Didikan Subuah, karano dulu alun ado teori Iqra' Wassalam, HM Dt.MB (48 T- 27 H ). ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Cc: <[EMAIL PROTECTED]> Sent: Friday, February 25, 2005 9:45 PM Subject: Re: [EMAIL PROTECTED] Bahasa Arab (gampang-gampang sulit)pentingnya bhs Arab. > Bana, kami di Surau saisuak baraja Bahaso Arab ko iyo bana serius, > mangaji dari "Alif", baretong dari "Satu". > Dangakan lah kaji Mak Ngah di Surau: > > Aliih tido nitiak, > Ba di bawah satu nitiak, > Taa tigo nitiak. > > "Alih" di ateh "a", di bawah "i", di dapan "u". A, I, U. > "Ba" di ateh "ba", di bawah "bi", di dapan "bu". BA, BI, BU. > "Ta" di ateh "ta", di bawah "ti", di dapan "tu". TA, TI, TU. > > "Alih" duo di ateh "an", duo di bawah "in", duo di dapan "un". AN, IN, UN. > "Ba" duo di ateh "ban", duo di bawah "bin", duo di dapan "bun". BAN, BIN, BUN. > "Ta" duo di ateh "tan", duo di bawah "tin", duo di dapan "tun". TAN, TIN, TUN. > > Aa baitulah caronyo sambia malagukan basamo-samo. Kadang-kadang mato mato > Mak Ngah bapiciangkan tando lah kusyuak bana mangaji, tapi ... sabananyo > lah mangantuak, bibia sajo mangurayok-ngurayok maimakkan kawan-kawan nan > sadang aysiak kusyuak tu... > > Kalau lah salasai mangaji, kami lalok di Surau basamo-samo. Kadang-kadang > lah takalok saketek, ado nan takantuik bagai (mungkin Mak Ngah lo nan muloi > :). Nan lain tasintak, akhianyo tajadi Parang Kantuik ... > > Kok akhianyo ribuik, Ustaz datang mambawo togoknyo, indak ado nan mangaku > sia nan muloi. Kasado alahe diam, purak-purak mati, bakaruah, indak > manggarik. Lalok lamak, sampai pagi sumbayang subuah bakaum-kaum. Itu > sakadar sabagian ketek kanangan indah mangaji baraja Bahaso Arab di Surau > maso saisuak. > > Salam, > -- Mak Ngah > >37371 ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
