71 Sagalo Bedo
Anak anduang katitiran Anak barabah ampek-ampek Nan dikanduang baicieran Nan dikaja indak dapek Sikucapang sikucapeh Sikue tabang sikue lapeh Anak urang Silaing Tinggi Dibubuik capo diampehkan Harok diburuang tabang tinggi Punai di tangan dilapehkan Batang kamuniang jo batang kapeh Bungkuak marunduak balingkaran Arok dikuniang kuah kambeh Cangkuak tarubuak ditinggakan Baburu ka Pinang Data Dapeklah ruso balang kaki Kalo baguru kapalang aja Bagai bungo kambang tak jadi Gulai patai campue karadu Bumbu garamnyo dipiriak-piriak Kok pandai tak baguru Bak manyalam tak sampai ka kasiak Lampok daulu baru dijaik Dikilie baru disopan Maharok guntue di langik Aie di payan ditumpahkan Hari Salasa pukue satu Urang malapeh layang-layang Lai sarawa tak babaju Joapo dilawan dunie urang Bak mangganggam-ganggam baro Raso kahangek dilapehkan Angek-angek cirik ayam Nan hitam indak kabakuran Nan putiah indak babalang Karih disangko jo gadubang Tuak disangko aie tabu Maso suto imbalan banang Lauik gadang kalo dihadang Sadiokan sampan jo pandayuang Kok hiduik mangapalang Sagalo karajo kumari tangguang Bak mamakan buah simalakamo Dimakan induak mati Tak dimakan bapak mati Umpamo jawi balang puntuang Didaulukan kakinyo manyipak Dikudiankan kapalonyo manyinduak Urek malang pangka cilako Urang pamberang gadang utang Urang pandareh lakeh kanai Urang pancameh mati jatuah Urang pandingin mati hanyuik Urang pamanggok lapa paruik Urang parentak gadang kanai Sayok pendek tabang nak tinggi Tarapuang tak hanyuik Tarandam tak basah Sampan ado pangayuah indak Sanduak gadang tak manganyang Tasingguang kanai miangnyo Tagisie kanai rabehnyo Umpamo makan buah kapayang Dimakan mabuak dibuang sayang Satapuak saameh Duo tapuak saameh Elok ditapuak bana Bacampue lamak jo galeme Tak habedo sadah jo tapuang Pipik pinang makan di hujan Indak dihalau padi habih Kok dihalau kain basah Katabuah pendek, kagandang balabiah Tak siriah pinang mamalan Tak pasin anggau pun tibo Piciang kato murai Kukuak kato ayam Salah dimamulai Rusak dimangayam Sayang digaram sacacah Busuak kabau sabalango Sarueh tabu nan baulek Kasabatangannyo nan dibuang Takuik di ula takajuik dek bingkaruang Takuik dimaik tapaluak dibangkai Talampau cadiak takadiak Talampau rapek mangganggang Talampau tinggi patah Talampau panggang anguih Sio-sio manjariang angin Taraso lai dapek indak Gadang bungkuih tak barisi Bungkuih elok pangabek gacue Tangguak rapek karontoang bubuih Tak pandai manari Dikatokan lantai tajungkek Bak balaki tukang ameh Bak mananti laki pai maliang Udang tak tau dibungkuaknyo Urang tak tau diburuaknyo Saikue kabau bakubang kasadonyo kanai luluaknyo Urang makan cubadak awak kanai gatahnyo Tacancang pua tagarik andilau Bak sudu-sudu di tapi jalan Dipanjek kanai durinyo Disingguang kanai rabehnyo Ditakiak kanai dek gatahnyo Barakik mambao papan Papan diapik tigo-tigo Di langik tadanga hujan Di bumi satitiak tido Rumah nampak jalan tak tantu Angan lalu paham tatumbuak Bak si bisu barasian Takana lai takatokan indak Baringin di laman surau Pautan ayam taduang gombak Hati taragak mahadang pulau Sampan lai pandayuang indak Bak kabau tasapik lihie Basisuruik tanduak lah panjang Disorongkan badan lah gadang Bajalan surang nak daulu Duduak baduo nak ditangah Ka ateh indak bapucuak Ka bawah indak baurek Di tangah-tangah dilariak kumbang ================= Oleh : A.B. Dt. Majo Indo Disadur dari buku "Kato Pusako" ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
