Wa`alaikum salam wr wb
HM. Dt. Marah Bangso, sarato sanak RN nan ambo hormati,
Walaupun namo ambo nan taimbau, umumnyo sagalo kito ado di Palanta RNko untuak
dapek pulo manukuak jo manambah satantangan sikola anak kok di Malaysia ba`a, ?
Kok nan dek ambo iyo raso "Mangandak-an kuah kaPangek" bak kecek St Mudo,Nofen
sabab nan ambo ko adolah urang nan indak sikola, namun baitu manuruik
pangalaman ambo, ...................... sabab kini ko, anak ambo baduo sadang
kuliah, nan gadang maambiak S1 di "MULTIMEDIA UNIVERSITY, dan adiaknyo maambiak
DIPLOMA dengan jurusan SAINS KOMPUTER kaduonyo,..... tapi apo nan ambo caliak
iyo indak baa kalau kuliah di Malaysia, dan labiah kurang apo nan alah
disampai-an dek Yth, Bpk, Surya Burhanudin memang baitulah
adanya,...............?
Kalau baa caronyo nak kuliah di Malaysia, mungkin juo Mak Datuak buliah hubungi
sanak kito nan sadang kuliah di UIAM maambiak S2, yaitu Nasrullah.
Kapado dunsanak nan kamanukuak jo manambah, ambo ucapkan Tarimo kasih,
Salam
Sidi Arshad [ampie 48] KL
Mulyadi <[EMAIL PROTECTED]> wrote:
Ass, wr, wb.
Bagi dunsanak nan tahu atau nan dapek mambarikan jalan / caro2 malanjuikkan
study S1 di Malaysia, tarutamo dunsanak ambo Ajo Arsyad atau Ghani Usop di
KL, tolong di paolak-olai kan di palanta kito ko baa caro2 nyo.
Iko ambo kamukokan disababkan anak ambo nan nomor duo, padusi, nan kini
pelajar SMU kelas 3 IPS di Palembang, baka-inginan manyambuang kuliahnyo
di - FIKOM (Fakultas Ilmu Komunikasi) baiak nan ado di dalam nagari seperti
Unpad atau UI atau kalau ado peluang nan dilua nagari seperti ka UKM
Malaysia, UUM Malaysia, Nang Yang Singapore dan lain lain.
Kapatang di Pusri alah di paparkan oleh Ketua Sriwijaya Foundation, sabuah
Yayasan nan mambantu pelajar2 Sumsel untuak manyambuang study nyo ka lua
nagari utamanyo ka Malaysia.
Dijalehkan oleh beliau Yth Bpk H.Surya Burhanuddin, SE,BE,MBA (urang awak
juo, karajo di Pusri Jakarta, sebagai Ketua Umum SF) bahwa di Malaysia tu
system pendidikan tingginyo samo jo system pendidikan lua nagari lainnyo
seperti : Inggris, Jerman, Australi, Amerika dll.
Di Malaysia itu anak2 kito akan terhindar dari kemungkinan terlibat Narkoba,
karano masalah iko sangaik ketat di Malaysia tu. Negaranyo relatif aman,
indak ado demo2 mahasiswa saroman di kito. Kalau anak kito kuliah di
Jakarta, Banduang atau Jogja kini ko, kito pasti cameh apokah anak2 kito tu
ikuik demo BBM atau tidak nan berefek terhadap keselamatan dan kelangsuangan
kuliahnyo. Kalau di Malaysia, hal seperti iko pasti indak ado. Sudah tu,
disiplin urang di Malaysia labiah tinggi di bandiang kito.sahinggo anak kito
akan terbina dengan sendirinyo. Nan labiah utamo lagi adolah masalah bahasa,
dengan dilakukannyo bahasa Inggirih sebagai bahasa pengantar di kuliah mako
anak2 kito akan siap menghadapi dunia global.
Hanyo itu samantaro nan tatangkok dek ambo dari pemaparan Ketua SF tersebut.
Mungkin ado nan ka manukuk manambahi, silahkan.
Wassalam,
HM Dt.MB (hampia 48 th)
---------------------------------
Celebrate Yahoo!'s 10th Birthday!
Yahoo! Netrospective: 100 Moments of the Web
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
