Mak Datuak jo Mak bandaro labiah. Sanang ati ambo mandanga konco ambo Pak H. Indra Catri kadiangkek manjadi datuak.kabatulan ambo kalau pulang lai acok bagurau, kadang sampai tangah malam di Bkt. Tantangan mail minded, bialah ambo sampaikan ka baliau, tapi biasonyo inyo senyum-senyum sajo... Wass, Elthaf
-----Original Message----- From: [EMAIL PROTECTED] [mailto:[EMAIL PROTECTED] On Behalf Of Mulyadi Sent: Wednesday, March 09, 2005 9:38 AM To: Palanta RantauNet Subject: Re: [EMAIL PROTECTED] batagak gala Waalaikum salam, wr,wb. Angku Sutan Bandaro Labiah nan ambo hormati, angku pulo nan ambo imbau, sungguahpun Angku surang nan taimbau, iyolah wujuiknyo kapado sagalo adidunsanak nan talingkuik dek palanta ko, kok ketek indak kabasabuik namo, kok gadang indak kabaimbau gala, sambah tatuju ka Angku surang. Adopun sambahnyo iyolah sambah pendek sajo. Satantangan kok bisiak alah kadangaran dan imbauan alah kalampauan, yaitu tantang dunsanak kito urang birokrasi nan arih bijaksano, urang nan tahu di kato putuih, urang nan cadiak candikio nan banamo Ir. Indra Catri nan kini menjabat Assisten II Pembangunan Kota Padang nan akan diangkek dek kaumnyo manjadi Panghulu / Pemangku Adat. Kok diambo itu suatu berita bagus, bahaso adaik kini alah masuak ka urang nan "MAMACIAK" sahinggo adaik akan lestari nantiknyo. Taringek dek ambo dunsanak kito ko beberapo minggu nan lalu pernah SMS ka ambo bahwa beliau akan ikuik Pilkada Bupati Agam, beliau wakatu itu mintak sokongan jo ambo. Dengan diangkeknyo beliau jadi Datuak, mako popularitas beliau akan terangkat dan pencalonan beliau bisa berjalan mulus. Untuak itu juo ambo sampaikan hal iko ka palanta agar urang2 nan dari Kabupaten Agam dapek mangatahuinyo. Beliau ko urang mudo nan cukuik energik dan supel bagauo, jadi perlu dibari peluang untuak itu. Sayang beliau kurang internet minded, ambo indak tahu sampai kini ko apo beliau punyo email address. Jadi sakali lai ambo ucapkan tarimo kasih ka Angku Sutan Bandaro Labiah nan alah malewa kan informasi ko, semoga berjalan mulus. Kelok paku kacang balimbiang Dibaok urang pai ka pakan Anak dipangku kamanakan dibimbiang Urang kampuang dipatenggangkan Rami urang pai ka pasa Rami pasanyo di pagi hari Alah tibo masanyo PILKADA Marilah kito mamiliah Indra Catri Wassalam, HM Dt.MB ----- Original Message ----- From: "Bandaro Labiah" <[EMAIL PROTECTED]> To: "Palanta RantauNet" <[email protected]> Sent: Wednesday, March 09, 2005 8:46 AM Subject: [EMAIL PROTECTED] batagak gala > > Assalamu'alaykum Wr.Wb. > > Mak Datuak H.M Marah Bangso, sidang RN > > Ciek-ciek lah baansua-ansua pulo putra Minangkabau nan mampunyoi > kapadulian tahadok Budaya dan Adat Minangkabau manjadi Panghulu, kalau > tahun kapatang ko adolah Mak Datuak H.M Marah Bangso, bisuakko, > Insyaallah awal bulan April akan diangkek pulo sebagai Panghulu > dunsanak kito Indra Catri, nan barasa dari Baso, Kabupaten Agam, baitu > kaba nan sampai katalingo. > > Semoga hal iko manjadi "palacuk" pulo bagi dunsanak nan lain, nan lah > sakiro "patuk jo mungkin" untuak dilakekkan Saluak, apolai dalam > rangka sistem pamarentahan nan babaliak banagari ko > > Seni budayo tanah aia > lapuak dijaman panjajahan > kini kok lai jadi buah pikia > samo didalam panggalian > > Wassalamu'alaykum wr.wb. > > > Bandaro Labiah ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
