Sanak Sutan Bandaro Labiah dan anggota R/N yth :
Sajak ambo tingga di jimbaran Lah jarang pai ka kapantai Kuta Sajak manjadi pansiunan Lah jarang mancogok dipalanta
Jikok ado janjang kalangik Bia lah bumi den tinggakan Disiko banyak sansaronyo Apo katenggang tukang jaik Kok lai balabiah paguntingan Siso dibao dek nan punyo�
Bukik Tinggi dilingka kabuik Tampak nan dari pasa bawah Bagai � bagai cobaan iduik Nan pokok iman indak barubah
Dari Singkarak ka Paninggahan Singgah baranti di Sumani Arok dek rono tarang bulan Palito nyalo dipadami�..
Sungai pagu aiea batumbuak Sasimpang jalan rang kabalai Angan lalu paham tatumbuak Disinan badan mako sansai .
Zul amry piliang di jimbaran bali
On Fri, 04 Mar 2005 02:38:18 -0000 "Bandaro Labiah" <[EMAIL PROTECTED]> wrote:
========================================================================================
Parintang-rintang*
sajak basobok si uah rimbang taruang nan indak paguno lai sajak acok kain takambang kain putiah lah baragi
dek ulah daun kalikih siamik indak rang acuahkan dek pandai kanduang malukih lah banyak ragi nan saroman
sabana janiah aia pincuran balun diminum lah lapeh hauh kanduang ganiah denai marekan indak ka mungkin samo haluh
marekan buek sarawa ganiah diambiak untuak ka baju kok batamu haluh jo nan kasa tukang jahik sajo nan ka tau
naiak turun jarun pinjahik banang nan lalu di sikoci pandai batenggang di nan rumik tandono lai ba hati suci
lai baju ka salasai dek dikayuah si roda masin disinan mako ka sansai baju dibuek untuak urang lain
diambiak kain sa bidang dikuduang mako dijahik mancaliak ka untuang urang tapaso jari nan bagigik
kok roda alah dikayuah dipapek kain aluran banang disambuang tapi-tapino baru banamo basalasai lah co iko cucuran paluah dapek pagi habihno patang untuang babaliak ka nan Kuaso dek lamo iduk banyak dirasai
Bandaro Labiah
Akses Internet TELKOMNet-Instan beri Diskon s.d. 50 % khusus untuk wilayah Jawa Timur.
Informasi selengkapnya di www.telkomnetinstan.com atau hub 0800-1-INSTAN (467826)
========================================================================================
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
