Assalamu'alaikum ww, Kapado mak Dt Marah Banso, sambah tibo bakeh mamak. Sungguahpun mamak surang nan diujuik iolah sarapek nyo kapado kito dunsanak saisi jo salingka palanta nangko, nan ketek indak basabuik namo nan gadang ndak baimbau gala, basarato jo niniak jo mamak alim ulama urang arih cando kio. Adopun kato nan di anta io kabakeh diri mamak, bak cando kato urang tuo, kaba baiak baambauan kaba buruak baimbauan.
Maa nyo mak. Jikok nyo kaba nan ka diimbauan, mak nyo buliah siang nan bak ari mak nyo tarang lah bak bulan io satantangan diri anak kamakan mamak salingka Solok banagari nan banamo Edwil S. Djamoeddin anak kamanakan dari inyiak Dt Rajo Di Langik dari suku Caniago di nagari Solok (Pasa). Dari surek kaba Media Kepri kito bahasonyo baliu adolah salah surang Calon termudo dari 4 calon Wakil Gubernur Kepri periode mandatang dari Partai Golkar. Adopun dalam kasaharian baliau adolah Ketua Fraksi Golkas di DPRD Kepri nan nanti insya Allah akan mandampiangi pak Ismet Abdullah sebagai calon Gubernur Kepri. Dek sakiro mamak lai ba alam laweh ba padang data, anak kamanakan taserah sampai ka ujuang nagari mungki ado juo rancaknyo mamak ba kaba babarito ka anak kamanakan nan ado di daerah ko untuak samo-samo manyilau jo manyigi satantangan diri anak kamanakan mamak nangko. Sakitu kaba dari awak, sambah ba kumbalian bakeh mamak. Wassalamu'alaikum ww, Batuduang Ameh [Agam] ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
