Hallo netter kasadonyo ......
pernah mancalaiak urang kampuang bataranak ayam ????
Co... paratian..
Tiok pagi ayam dilapehgannyo..
kalua kandang bahamburan.....
Ado nan pai jauah mancari makan, mangakeh disinan, mangakeh disiko, di
tampaik sarok, atau dimase
Dapek makan nyo makan surang, kalau ado nan mandakek langsuang dilantiaknyo.
Ado pulo nan pai sambia santai...
Masak bodoh jo nan lain, tamasuak jo tuannyo....
Ado pulo nan main-main se di dakek kandangno, sambia makan di pekarangan
rumah tuannyo... manungu panggilan dari tuannyo....
Tapi ado pulo nan langsuang mancari tuannyo...., atau taruih maikua dakek
tuanno...
Beko alah agak siang..... Kurrrrreeeeehhhh kurrrrrr.... kurrrrrrrrrrrr
(tuannyo maimbau)
bahambuarnllah ayam tu mandakek...
Ado nan balari....
Ado nan bajalan....
Ado nan mancaliak jauah...
Ado pulo nan masak bodoh... (ayamko alah patangsen pulang beko..)
Nan balari tantu banyak dapek makan...
Nan bajalan tantu saketek atau mungkin mamiliahi nan taserak....
tapi nan masak bodoh... ano taruih mangakeh ditampaik lain kalau ado nan
madakek, dilantiakno, iko iyo ayam sabana jaek. !
Dari sakian banyak ayam tu ado nan makan disuok i tuanno sambia di pangku,
makan dari tapak tangan tuanno... sambia dikusuak-kusuak...., sasudah tu
dirosok tambolokno, alah panuah atau alaun.... iko sabana ayam nan disayang
tuanno, karano jinak, panuruik, rajin batalua, rancak parangai, jo sipaik2
lain nan katuju dek tuanno.
Mantun lo awak manusia ko....
Tiok pagi awak alah barangkek dari rumah...
Ado nan mancari rasaki jauah, ado nan dakek, ado nan sikuk kida, sikuk suok,
injak bawah, sundik nan diateh....
Ado pulo nan mancari rasaki biaso biaso sajo....
Ado pulo sabaun barangkek no tamui tuanno (baca Tuhan) dulu.... (Sumbayang
duha)
Beko bilo alah siang Kurreeehhhh kurrrrrrr ('haaaiii
'alashalaaaaaaaaah.......)2x
Ado nan baranti karajo.....
Sugiro ka musajik....
Ado nan alah mandakek sabalun di imbau tuanno (dek tau wakatu)
Banyak sangaik nan masak bodoh jo kurrrrrreeeehhhhhh tuanno (baca Tuhan),
ano tataok basitungkin jo karajono, bahkan mancemeeh, "uuuuhhhhh lah abanglo
si Bila" atau omelan lainno
Nan sugiro..... ado nan tapaso, ado nan ogah-ogahan, ado nan sagan jo kawan,
mintuo, atau calon bini. dan lain-lain alasan.
Nan tau jo wakatu.... atino tanang... barangkek jo senyum di bibia
Ndak kasak-kusuk jo rasaki....
Alah maraso cukuik......
Karano tambolokno (rasaki) alah dijamin dek tuan (baca Tuhan)no
Nah..... apo awak ndak ingin bantuak ayam nan disuokiii dek tuanno....
Atau awak masak bodoh jo kuuuurreeeehhhhhh tuan (baca Tuhan) awak.....
Tinggal pilih.
Salam
ST. Tumamaik
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
