Assalamu'alaykum Wr.Wb. Z.Bandaro Tinggi sarato Sidang RN
kok diinok manuang kan bana, indak baa bagai tu doh, karano, kok nan tuo kan iyo biaso basipaik manunjuak jo majai dari bulakang, tipak di ann tuo nan kok luluh manyilami, kok hanyuk nan ka maminteh-i, bialah nan mudo nan maju ka muko. Kok di Agam, lah maju pulo nan mudo nan ka jadi Bupati (calon Bupati) baliau adolah konco arek lawan karen Tuan Elthaf Sri Bagindo, nan banamo Indra Catri, baliau maosong motto : "Agam dengan harapan baru dan generasi baru" sakali mangaruak puro, nak hutang sakali bayia, kasampatan iko ambo sampaikan pulo pasan baliau, Indra Catri kapado Sidang RN, nan isino : "Maaf ! karano satu dan lain hal, ambo indak bisa mandatangi Niniak Mamak, bapak /ibu, Sdr/i, satulusno ambo mohon izin dan do'a restu untuak dilewakan Gala sabagai Panghulu, urang Malayu, dusun Sunga Sariak, Koto Tinggi, Baso, Luhak Agam, apdo hari Ahad, 3/4/2005, kironyo bila berkenan hadir di alek nantun ... ttd Indra Catri" sabagai informasi, tadi malam (rabaa malam) lah diadokan saluang, kok beko malam (patang kamih malam jumaik) akan ado pulo acara Randai Kok jauah jalang-manjalan, nan ampia turuk manuruk, sarato dek lah tibo pulo siriah ka ambo di Rantau dari baliau, Indra Catri, insyaallah ambo lai pulo (ka) mahadiri alek nan tun. Sakitu dari ambo, kok ado nan indak pado tampaikno, iyo maaf juo nan bamintak Wassalamu'alaykum Wr.Wb. Bandaro Labiah. .--- In [EMAIL PROTECTED], Zulfahmi <[EMAIL PROTECTED]> wrote: > Di caliak dari segi umua, trend nyo Nan Mudo Jadi Cagub, nan ka pensiun jadi > Cawagub > Ba'a kok co iko > * [EMAIL PROTECTED] > > >>>=== KUDUANG ====== ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
