Assalamu'alaikum WW
Oi iyo sukurlah kok lai baitu... tarerengkyu ateh jawabannyo... sakurangnyo indak kanai sabuiktan - "P" adat- pulo beko...hehehehe.....
Inyo tu baiko... ka ditanyokan baa ndak ditanyokan baa.... tapi labiah elok ditanyo kan juo..... soalnyo banyak datuak nan diangkek sabalun peristiwa politik di kampuang awak....
ado gala nan lah balipek babukak baliak
ado nan diagiah gala kehormatan sajo
ado juo nan sangajo untuak 'posisioning' di politik.....
kesan-kesan baitu jadi tibo di Datuak tu cuma dek karano diangke di ujuang-ujuang awal peristiwa politik.... sadangkan 'mungkin' sabananyo soal wakatu relatif bisa direncanakan .......
Kalau memang untuak rencana politik ...hhhmmm tantu se lah iyo disangajo dakek-dakek ka pilkadal ..misalnyo........supayo dapek publikasi gratis sacaro ndak lansuang.......hehehehe............
Jawaban dari Mr Indra Catri lah ambo katahui.... nan sabananyo iyo wallahualan bissawab apokoh ado mungkasuik lain atau ndak......
Wassalam Z Chaniago - Palai Rinuak - http://www.maninjau.com ====================================================================== Alam Takambang Jadi Guru ======================================================================
From: "Bandaro Labiah" <[EMAIL PROTECTED]> Assalamu'alaykum Wr.Wb.
"Z Chaniago" sarato sidang RN
kok jawek nan datang dari ambo, ujuk sabanano datang dari Sipangka, aratino bana, nan kabari kajawek diamboko, alah ambo mintakkan kapado baliau nan diangkek jadi Datuak tu(Indra Catri Datuak Malako Nan Putiah).
jawek nan ambo baok dari baliau adolah, bahwasono, pangangkatan Panghulu nangko iyo alah basiapkan sajak dri tahun 1997, lah dibuek paretongan mamak jo kamanakan, tapi alun dapek paham nan saukuan maso nan tun, baitu pulo tahun 1999, baulang baliak babaua-baua ketek mamak jo kamanakan, namun alun juo batamu bana nan sasuai, baru kutiko tahun 2000 dalam baiyo-iyo mamak jo kamanakan didapekkan paham nan saukua, batamu bana nan sasuai, jatuah kato kabulatan, kok bulekno lah buliah digolongkan, kok picakno lah buliah dilayangkan, aratino bana LAH TIBO GOLEK DI NAN DATA, nan gala Datuak (Panghulu) Malako Nan Putiah iyo ka balakekkan kapado Indra Catri, karano lah tibo golek dinan data, mako diinang dikalaka, dicari hari nan elok ditakuak maso kutiko nan baiak, iyo batamulah hari nan kapatang nantun, maklumlah nan baliau ko sadang bakarajo dan baniaik pulo nak ka manunaikan rukun Islam nan kalimo (naiak haji) talabiah dahulu.
Sakiro itu nan dapek ambo barikan, kok kurang ka manukuak, senteng ka mambilai, iyo bamintakkan juo ka nan basamo.
Wassalamu'alaykum Wr.Wb.
Bandaro Labiah *lah lamo dirantau, lah larek pulo dirantau
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
