Assalamu'alaikum ww, Mamak jo dunsanak di Palanta, awak talabiah dulu mintak ma'af kahadoan kito basamo dek janji untuak mangirinan Dendang Ratok Gadih Suayan MP3 ndak jadi dek karano talalu gadang (8MB). Kasadoan email pribadi nan mamintak lah dicubo mangarin tapi tapalantiang baliak. Jadi dari pado ndak ado samo sakali mungkin lirik nyo sajo jadi juolah nan wak ambiak dari mandangaannyo, sudah tu diketik ulang supayo bisa dibaco sajo sakurangnyo.
Sakali lai mohon ma'af ateh ndak bisanyo dikirin dendang ko. Wassalamu'alaikum ww Ratok Gadih Suayan Yolai yo.....oi, oi Suayan tanahnyo tinggi dibaliak bukik sarang alang disinan ambo... balia gan... Sajak indak bamandeh lai yo mak.... badan ambo batingga surang karantau nasib den kadu...u....gan oi.... Oi.... lala oi......karantau nasib dikadu...uu...gan oi..oi...... Sajak indak baniru laduang joa lah bareh kaditampi, sajak paningga mande kanduang kamalah badan ka babiri yoiii... Oi lala yoi kamalah badan ka babi....i...ri oi... Yo la yoooi oi bialah denai nak kapakan ari nan sadang tangah ari lah ka pulang ba darok sanjo, bialah badan nak bajalan yo lai... badan indak bamande lai, lai dunsanak malenga...a...h gan oi..., oi gajai oi.... lai dunsanak malengah gan oi..... Sajak indak badan bagaluak joalae aia ka ditimbo sajak indak badan ba induak badan ka kuli dek nan kayo oi... oi gajai oi oi... badan ka kuli dek nan ka....yo oi........ Yo la yoi.... sajak ditaun 71 disinan ambo jadi anak dendang denai di Suayan asa nyo kampua...ng, sajak indak ayah jo ibu yo lai...badan ambo kumari pai lai bamamak malenga....a....h gan oi... oi.. lalai.. oi.... Lai bamamak malengah gan. Rumpuik saruik panjang lah baa lah payah pandan maladuang an iduik bansaik sanang lah baa lah payah badan mananggu....u....ang gan oi..... oi lala yoi ... lah payah badan manangguang gan... oi. Yo... lai oi... oi galodo gunuang marapi karugian rang tanah data tampak nan dari... pandakian.... Lah sanang ijuak jadi tali yo mak, anau di lurah ka dikana putian badan basasa gan oi. Oi gajai oi putian badan basasa gan oi. Oi baalah pandan den isuak di ngayam dilapiak bunta oi baa lah badan den isuak ka tabariang di pondok tingga oi Oi ....gajai oi....ka tabariang di pondok ti..ngga...... Yo lai oi. Mulo cubadak diladanggan nan den ambiak sado nan mudo lah nan tingga bia nak masak.... Mulo nyo anak den gadang gan yo lai... kapambimbian mande kok tuo mande nan indak ba dunsanak oi ... oi lalai oi mande dek indak badunsanak oi... oi dek pandai denai baladang alah saparak pisang manih, oi dek pandai badan batenggang muluik galak ati mana...a....ngih..... oi..... oi lala oi...... Muluik galak ati manangih yoe.... ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
