Maa Rang Lapau nan Basamo,
Ruponyo Lapau awak sajak tingga ko dimasuki Urang Maliang. Hati-hati jo Bajingan. Jaan sampai tatipu. Saindak-indaknyo sabanta ko ambo caliah duo postiang nan pasti indak dari Anggota Lapau doh. Nan ciek dari nan manamokan diri "Hasan George" nan basubject "VERY IMPORTANT" bajingan nan mangotori email urang dari seluruh dunia. Nan ciek ado lo dari Paypal, iklan nan indak paralau masuak Lapua. Jan jan nanti ado lo tukang-tukang situs buruak marampak dindiang Lapau kito. Mudah-dapek disariang Rang Dapua.
Kacurigaan MakNgah masuaknyo pandatang haram ko karano sasudah pintu Lapau rusak patang ko ado undangan massal untuak bagabuang ka Lapau. Jadi maliang-maliang tukang-tukang ungkik pintu urang nan salamo ko mancubo maampia, mako namonyo masuak bagaduru sabagai anggota. Mudah-mudahan awak tahinda dari malapetaka pencoleng pandatang haram ko.
Salam, -- Mak Ngah
-- No virus found in this outgoing message. Checked by AVG Anti-Virus. Version: 7.0.300 / Virus Database: 266.11.5 - Release Date: 5/4/2005
_______________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
